Jems 2:19 - Yesus kamo wakai

¹⁹ God suwara kaima moglmedi ene pirngi dingwa ipre wakai kaima. Te spirit kinde wagle ama yegl pirngi dindre, ana kundugl gogl onguno katno sungwa.

Jems 2:19 ပူးပေါင်းရင်းမြစ်များ

Matyu 8:29

Ye kaglkane kande ere dimbrika, “God Wam, ene no sragl ere noratn? Enge yeikrumara unga, ene no nangino giu ere noragledi pre un kana?”

Kamambuno wakai Mak muno boglkwa 1:24

“Yesus Nasaret nem, ene sragl taragl ere noragledi une? Ene no erekinde ere nora pre un kana? Na ene pirpogl siga. Ene God Holi Yombamo!”

Kamambuno wakai Mak muno boglkwa 12:29

Ana Yesus ka mongo ditongwa, “Lo gumamugl kaima i yegl pangwa, ‘Piryo, ene Israel yomba, Yaglkande nono Godno, ye suwara Yaglkande.

Kamambuno wakai Mak muno boglkwa 5:7

Ana kaglkane pond kaima yungwa, “Yesus, God mitna imbo kaima Wam! Ene na sragl ere naratne? God kangiye mina na yana diga, ene na giu ere narekro!”

Kamambuno wakai Mak muno boglkwa 7:9

Ana Yesus ditongwa, “Ene God lomo prapra sendinaglkwa pre pirkwa pangwa. I enene okuna mambunono akegidi mora pre erikwa.

Kamambuno Wakai Luk Muno Boglkwa 4:34

“Aya Yesus Nasaret nem, ene no sragl ere noratn? Ene igle no si pindigl pandigl era pre un kana? Ene ira motnga i na pirkan erika. Ene yomba du-wakai, God yomba holi motnga.”

Kamambuno Wakai Jon muno boglkwa 17:3

Ana kor aimande moraglkwa i mambuno yegl pangwa. Yomba pirpogl sinaglkwa, i God kaima ene suwara motnga, te ye ama Yesus Krais kanpogl sinaglkwa, ye ene diendinga ungwa.

Aposel 16:17

Ana ambaimo i no Pol bogl omunara mokonomugl undre ana aglangesi yegl dungwa, “Yagl kane magl wingwa i we, God mitna imbo kaima moglkwa i nigl-kongunmo yomba undre, ana God ene ere-inambuka pre ye ka dite winga.”

Aposel 19:15

Ba enge aglketa spirit kinde di ikine ende yagl wagle tongwa, “Yesus i na pirka te Pol ama na pirkan erika, ba ene irane?”

Aposel 24:25

Pol ka dumara i mambuno du-yene ya ye yene sugl wakai moraglkwa te okuwo God kot eretenambuka i kamo dungo ana Peliks kundugl gogltre yegl dungwa, “Erme ene ka pradina endpo! Na okuwo enge ta panan ka-singiye diendimbo ene unatnga.”

Pol pepa muno bogl Rom yomba tongwa 3:30

God suwara kaima moglkwa. Ye nangino punduno beglkwa yomba pirngino kandre te nangino punduno boglkrikwa yomba pirngino akiye kandre ana kangino yomba du-wakai we dungwa.

1 Korin 8:4

Ana god kimbi ipre bugla mokna ofa eretendre ana yomba neingwa ipre yegl diga: Nono punga, makandle god kimbi i taragl yoko, ye kaima ta moglkrikwa. Ba God kaima suwara wora moglkwa.

1 Korin 8:6

ba i kinde kondiyo. Nono Godno suwara kaima moglkwa, God i nono Neno. Ye taragl prapra ere yongwa. Ye pre nono yombama kaima mounga. Te ama Yaglkandeno suwara kaima moglkwa, i Yesus Krais, ye mina taragl prapra ereyongo te ye mina nono kor-mounga.

Galesia 3:20

Yomba epigl suwo meglko yomba suwara ta sunawom moglkwa. Ba God yene ka dipandigl tongwa.

1 Timoti 2:5

Ipre nono pirkan ounga God suwara kaima moglko te yagl ta sunawom mogl ana yomba ya God i-suwara endungwa, yaglmo i Yesus Krais.

Jems 2:8

God nono kingno moglkwa, ye kamambuno pepa mina okuna lomo suwarata norkwa i gigle dungwa, “Enene pre wakai pitnere yegl yomba ene motnara magl meglkwa kanwakai yeiyo.” Ene lo dumere yegl etne ana mambuno wakai pamere etnga.

Jut pepa muno i boglkwa 1:4

Ene pirngi dingwa yomba meglmara yomba tau uglmange ere ende suna wingwa. I okuna kamambuno mina pepa muno beglko pangwa. I God kamo wedi kakimbi beke teingwa yomba ye God wakaimo i beke tekre, mambuno kinde kanekane nomane mina eraglmedi pre bagl nusingwa. Yomba yegl erikwa i nono Yaglkandeno Yesus Krais suwara i mokono teingwa.

Jut pepa muno i boglkwa 1:6

Ana angelo wagle, God kongun kande eraglmedi tomere erekre, ye dumono kaima kinde kondingwa ipre yombamo i God sen mina kane kogl endungo mim kandekinde ormara aimande kane paimogl ana enge kande mina kot eraglkwa pre sugl meglkwa.

Ka Teke Pangwa 20:10

Te Satan eremogl kimbirnem wagle kakimbi dite wanmoglkwa, piyasi maugl beiye paikrukwa kombuglo salpa depamara suna endingo, igle okuna kambu are ya propet kakimbi piyasi atne endingo miurara, ana ye wu suna ongo suwota orko ana ermine ya enduwer giugl engenge pir moraglkwa.