Jems 2:11 - Yesus kamo wakai

¹¹ God yegl dungwa, “Ene yagl ambu kunogl gundokraglkwa.” Te ye ama yegl dungwa, “Ene yomba ta sigoglkraglkwa.” Ene yagl ambu kunogl gundokrikwa ba ene yomba sigeglkwa ipre ana ene lo sendingwa yomba meglkwa.

Jems 2:11 ပူးပေါင်းရင်းမြစ်များ

Matyu 19:18

Ana yaglmo i krapoglkwa, “Sragl lo ne?” Ana Yesus di ikine endungwa, “Ene yomba ta sigoglkro, ene yagl ta embiye kunogl gundokro, ene kunogl goglkro, ene yomba ta kakimbi ditendre kot eretekro.

Kamambuno wakai Mak muno boglkwa 10:19

Ene lo prapra pitnga: ‘Ambu kunogl gundokro, yomba ta sigoglkro, kunogl gogl nekro, kakimbi dikro, ana nen ya man dinambrere ero.’”

Kamambuno Wakai Luk Muno Boglkwa 18:20

Ene ka lo prapra pitnga, ambu kunogl gundokro, yomba ta sigoglkro, kunogl gogl nekro, kakimbi dikro, ana nen ya man dinambrere ero.”

Pol pepa muno bogl Rom yomba tongwa 13:9

Nono pirkan ounga lo ka yegl dungwa, “Yagl ambu kunogl gundokre,” “Yomba ta sigoglkre,” “Kunogl gogl nekre,” “Yomba pere taratno bumbuno goglkraglkwa.” Ana lo ya te lo tau prapra paingwa i lo ka suwara i mina suna paingwa: “Enene pre kanwakai yenere yegl keunde yomba ene motnara magl meglkwa ama kanwakai yeiyo.”