Hibru 5:7 - Yesus kamo wakai

⁷ Ana Yesus makandle kor wanmoglkwa enge i ye kamange ere kaglkane indre kai ere ana yana di God tongwa, te i ye gorambuka enge i Yaglkande God akeple dinarambedi pre yegl orkwa. Sraglpre Yesus mambuno wakai ormara ipre God pir tongwa.

Hibru 5:7 ပူးပေါင်းရင်းမြစ်များ

Matyu 27:46

Ana 3 klok mina, Yesus kai kaglkane binan bogl ere yegl dungwa, “Eloi, Eloi, lama sabaktani?” I mambuno yegl, “Na Godna, na Godna, sraglpre ene na kinde kondine?”

Matyu 27:50

Ana Yesus aglke kordagl kaglkane pond indre, munduwo iyenda endungo ana spiritmo endongo ye goglkwa.

Kamambuno wakai Mak muno boglkwa 15:34

Ana ande kuiya 3 klok mina Yesus kaglkane binan bogl orkwa, “Eloi, Eloi, lama sabaktani?” I mambuno yegl, “Na Godna, na Godna, sraglpre ene na kinde kondine?”

Kamambuno wakai Mak muno boglkwa 15:37

Ana Yesus kaglkane pond indre mur iyenda ende gokandi goglkwa.

Kamambuno Wakai Luk Muno Boglkwa 23:46

Ana Yesus agle binan bogl dungwa, “Nina! Na spiritna ene ongun mina yeinga.” Enge igle ye yegl dindre, ana mur iyenda ende goglkwa.

Kamambuno Wakai Jon muno boglkwa 1:14

Ana Ka wu yomba pindre nono mina suna moglkwa. No ye ambuglangemo kamga. Ana ambuglange i ye suwara, Nem diendungo ungwa. Yeglpre ye wakaimo ya Ka kaima ye mina kau sungwa. Ye God Wam kaima moglkwa.

Kamambuno Wakai Jon muno boglkwa 11:35

Ana Yesus kai orkwa.

Kamambuno Wakai Jon muno boglkwa 11:42

Na pirka, ene engenge na kamangena pitnga ba na ka dinga i yomba magl meglkwa ya pre dinga. Sraglpre, ene diendingo ye umedi pirngi dinaglkwa.”

Kamambuno Wakai Jon muno boglkwa 17:1

Yesus ka i dite kondindre, mokomugl ye kan mitna ende ana kamange orkwa: “Nina, enge ikra magl orkwa. Etne Wan kangiye kande i-pene ende temin, ana Wan ama ene kangin kande i-pene ende tenambuka.

Pol pepa muno bogl Rom yomba tongwa 8:3

I yegl: Lo ka yombuglomo ta panan kade nono embriyeno goglo i ta koko endekrambuka. Sraglpre, nono mambunono goglo i eremogl lo ka yombuglomo i sigugl sungwa. Ipre God yene kongun ere ana yene Wam diendungo makan yomba singigle dindre te nono tandaglme yomba mereyegl mogltre ana yomba tandaglmeno sidundinambuka pre ungwa. Yegl orko, Yesus yene nangiye mina God eremogl tandaglme ka-tange tendre ana tandaglme yombuglomo i sidundungwa.

Galesia 4:4

Ba okuwo nono pre God enge dipanduglkwa ikra plau dungo ana God yene Wam diendungo ungwa. Ana ambu ye kugl yongo ye makandle yomba mereyegl mogltre ana Juda yomba lono mina atnekra moglkwa.

1 Timoti 3:16

Kaima. God kamo i mem pond kaima pangwa, ana yomba ta eremogl kamo i di uglmange erekraglkwa. I mambuno yegl: Ye wu yomba kaima ongo ana yomba prapra kaningwa. Ye mambuno du-wakai Holi Spirit ombuno dungo angelo wagle kaningwa. Ye kamo yomba dipene ende waidi dumo bange bange eingo ana uglomugl koglkoglo yomba ye wedi pirngi dingwa. Ana God ye yend heven pindre kangiye kande tongwa.

Hibru 10:10

Te God prumere ikra Yesus Krais yene nangiye yomba pre kombuglange enge suwara kaima ta ofa tongo ana nono ere endungo God yombama mogltre holi mounga.

Hibru 10:5

Yeglpre, Krais ende makandle ungwa enge, ye ka yegl dungwa: “Kombuglange gagl ofa erikwa i ene wakai ta pirkitnga, ba ene na nangina akekun erenatnga;

Hibru 11:7

Noa taragl kankrukwa okuwo plau dinambuka i God kamo dipoglsi tongwa, ipre Noa pirngi dindre ana ye sip ta beke kondungo ana ye embiye ya nangiglma bogl ende suna pi kor-meglkwa i ere ingwa. Noa pirngimo ikra ombuno dungo ana makandle yomba mambuno kinde ere meglkwa ikra unongugl ongo ana God dinongugl ende Noa yagl du-yene kaima we ditongwa.

Hibru 12:28

Yeglpre nono God kingdomo yumga suna yongwa i ta pingakar dikrambuka. Ipre nono God diwakai yei tendre te ye yene prumere i nono dembiye karaugl ere tendre te kunduglmo gogl, ana ye mina atnekra wanmoramga.

Hibru 13:20

God dem munduwo bipokndi yongwa. Ye Yesus Krais goglmara ikor endungo ana bormaimo mina kor aimande moraglkwa kontrak orkwa, te nono yombano kande Yesus yene sipsip Sutno Yomba Kande moglkwa.

Hibru 2:14

Ana Yesus gak we dungwa i yagl ambu nangino ya bormai pango erme mounga ipre dungwa. Te Yesus erme ama wu yomba mounere kuno yegl mogltre te geglkwa mambuno i mina ana geglkwa yombuglo Satan ake moglkwa i Yesus ere kinde orkwa.

1 Jon 4:3

Ba yomba prapra Yesus pre ‘Yomba nangiye kaima’ paikrume dimbi ana ye spiritno i God mina ta ukrukwa. I Krais kundamo ikine spiritmo ye mina moglkwa. Ana yomba yeglmere unaglme digo ene pirkwa ikra ana erme wingwa makan koglkoglo mogl kondingwa.

2 Jon 1:7

Ka kimbi dingwa yomba merkinde endpi makan koglkoglo eingwa. Ye eremogl Yesus Krais, yomba nangiye pango ungwa i ende ikine unambuka i ye ta dipene endekrikwa. Yomba koyeglmere kakimbi dindre ana Yesus Krais kundamo ikine meglkwa.