Hibru 5:11 - Yesus kamo wakai

¹¹ No ka i merkinde pangwa dinamun, ba no yegl pamiwo dipogl sinamga mere manga, sraglpre, no ka dinamga i ene tambre ta beke ikraglkwa pangwa.

Hibru 5:11 ပူးပေါင်းရင်းမြစ်များ

Matyu 13:15

Yomba i nomano giglendi kondungwa, te kinano gidi kondungwa, te ongumutno kugl kondungwa. Aglau eran ye ongumutno kanimbi, ye kinano ka pirmbi, te nomano mina ka mem pirpogl simbi, ana ye kan akete na mina endinaglkwa, ana na ye erewakai ere tenaglka.’

Kamambuno wakai Mak muno boglkwa 8:21

Ana Yesus disaipelma ditongwa, “Ene ikra pir moglkrikwa pangwa?”

Kamambuno Wakai Luk Muno Boglkwa 24:25

Yesus di yagl suwo tongwa, “Ene du eur kana, propet okuna ka prapra dingwa i kra ene nomano mina suna paikruko, ana pirngidi kiurika!

Kamambuno Wakai Jon muno boglkwa 16:12

“Na ka merkinde pangwa ene ditenaglka, ba erme ka merkinde i ene dimbo pir-inaglkwa kuno erekrukwa.

Kamambuno Wakai Jon muno boglkwa 6:6

Yesus eremogl Pilip ta eran kanagledi pre yegl dungwa, ba Yesus sragl taragl erambuka i yene nomane mina pango pirkondungwa.

Aposel 28:27

Sraglpre, yomba i nomano sitorwa erekondungwa, ye kinano si gidungo ka piraglkwa mere manga, te ye ongumutno kiglkwa. Tamanan, ye ongumutno mina kandre, te kinano mina ka i mambuno nomano i-yakete pirpogl sindre, ende ikine na mina wimbi, ana na aglke ye erewakai ere tenaglka!’”

Hibru 5:10

God ye pre dipanduglkwa, pris kande ta mogltre Melkisedek pris kongun ormere yegl erambe dungwa.

Hibru 5:12

I kaima, enge olto no ene ka bekete umga i ene ka beke teingwa yomba moraglkwa kuno orkwa ba ene bitno pai kuno erekrukwa, ipre yomba tau undre God kamo komuno mambuno bogl beke tomnere yeglkra aglke kordagl ene beke tenaglkwa, ipre ene mano amo nuglo ninaglkwa yeglmere kuno orkwa te kaiya mokna gigle dungwa ninaglkwa kuno erekrukwa.

2 Pita 3:16

Ye pepa muno prapra boglmara ana mambuno i keunde kamo dungwa. Ye pepa muno prapra boglmara suna igle ka tau yombugl dange orko nono pirpogl sinamga mere manga. Te ka i pir-oglmba singwa, ya pirngino gigle dikrukwa yomba ye ka i guagua dindre te ka tau prapra kamambuno pepa mina okuna pangwa i ama ye yegl ere sendingwa. Te erikwa ipre okuwo ye yene wau boraglkwa.