Hibru 4:9 - Yesus kamo wakai

⁹ Ana God yombamo ombugl wakan moraglkwa engemo i yoko yei pangwa.

Hibru 4:9 ပူးပေါင်းရင်းမြစ်များ

Matyu 1:21

Ye yagl gak ta kurambuka, ene kangiye Yesus we dinatnga. Sraglpre, ye yombama tandaglmeno koko ende te, ye ere-inambuka.”

Taitus 2:14

Krais yene kor-moglkwa i kinde kondo yeglpre nono mambuno kinde mina wanmoungo ye nono toposi ikine ende erewakai ere norkwa. Ama yeglpre nono ye yombamo suwara mounga, yeglpre nono mambuno wakai panambere i keunde eramunga.

Hibru 11:25

God yombama wagle kane pai yumbun kanekane i meglmara suna igle Moses moragledi prukwa, te enge sungunagle keme gun yendre tandaglme eragledi pirkrukwa.

Hibru 3:11

Ana na dena kumbruko ka giglendi yegl dipandiglka, ‘Yombamo i ta ende suna undre mogl argan ere pikraglkwa.’”

Hibru 4:1

Yeglpre God angai dumo ta suna pindre wakan moraglme dungwa ka dipandiglmo ikra andigl giglendi pangwa, ipre nono kundugl gogltre, sugl wakai mogl yange sikre ana dumo igle suna enamga.

Hibru 4:10

Ana yomba ta God wakan moglmara angaimo enambuka i yene kongunmo kindekondo pindre wakan morambuka, te God yene okuna kongunmo ere kondo ana okuwo wakan moglkwa.

Hibru 4:3

Ana nono ta pirngi dinamga yomba ende wakan meglkwa dumomo suna enamga pre God ka yegl dungwa, “Na dena kumbruko ka giglendi dipandigl ende pandiglkra i ‘ye na wakan moglmara dumo i ta ukraglkwa.’” Ba dumo makan ere yongwa enge kongun kanekane pra orkwa dundungwa.

Hibru 4:8

Josua eremogl yomba auro yendpi makan i God ka giglendi tongwa ba ye wakan moglkrikwa. Ana okuwo God wakan pere ta pre dungwa.

1 Pita 2:10

Okuna imbo ene yomba yoko meglkwa, ba erme ene God yombama meglkwa. Okuna imbo ene yomba mitno geglkwa mambuno i ta ikrikwa, ba erme yomba mitno geglkwa mambuno i ene ingwa.

Ka Teke Pangwa 14:13

Ana heven imbo ka ta yegl dungo na pirka, “Ene ka i muno boglo. Erme mambuno bogl mogl ende imbor enaglkwa yomba Yaglkande wedi pirngi dindre goraglkwa ye gun yenaglimiwo.” Te Holi Spirit ama dungwa, “Ye gun kaima yenaglkwa; sraglpre, ye kongun pitnbogl erikwa ikra erme kindekondo ana mogl ir si piraglkwa. Ana ye yoko ta ende pikrikwa. Tamanga. Ye mambuno wakai okuna erikwa ikra ye enaglmara akiye enambuka.”

Ka Teke Pangwa 21:4

Ye kai nuglono prapra God koko ende tenambuka. Te aglketa goglkre, nomano yumbun dekran, kai erekre ana giu ta pirkraglkwa. Sraglpre, makandle mambuno goglo taragl i prapra wu taya pi kondingwa.”