Hibru 12:4 - Yesus kamo wakai

⁴ Tandaglme wu nangino danginagledi orko ana ene kunda yombuglo erikwa ba ene erimara i bormaino ta toindi endekrikwa.

Hibru 12:4 ပူးပေါင်းရင်းမြစ်များ

Matyu 24:9

“Ana enge igle ene kanesi, ana eresi te ene sigoraglkwa pre tekoglo endinaglkwa. Na kangina ene mina pangwa ipre yomba uglomugl koglkoglo pir kinde yei ene tenaglkwa.

1 Korin 10:13

Ana bagl nusi ene mina plaudi tongwa i bagl nusi kane ta manga. Taman. Bagl nusi kuno yegl yomba prapra mina plaudi tomere ama ene mina plau dungwa. Te God yene ka digidi panduglmere erambuka, i ye ta kanwinge eran bagl nusi ene mina plau dingwa i suwarata ene yomburo engre atne endekrambuka. Taman. bagl nusi ene mina ta plaudi tenan ana God ene akeple dinambuka pre konbauna sitenambuka. Konbauna i yegl: Ye ere endinan ene andigl giglendi meglmbi ana bagl nusi i ene ta engre atne endekrambuka.

Filipai 2:8

Ana ye kaningwa yomba kaima mogltre ana yene ake atne ende Nem kamo pamere duglo bogl wanmogl pi goglkwa, kaima, ye endi-prak mina goglkwa.

Hibru 12:2

Nono ongumutno kan Yesus mina endinamga, nono pirngi dumga mem mambuno ya te pirngi dumga i okuwo erekuno erambuka i Yesus moglkwa. Yesus pirkan orkwa okuwo ye gunyei wakai morambuka ipre ye God kamo pamere pinande ere te giugogl ana endi-prak mina goglkwa i ye angai ta goglkrukwa. Ana erme God ongo wokra sia kingmo mina ye amedi moglkwa.

Hibru 13:13

Yeglpre nono prapra ende togl menda Yesus simara i pindre ana ye angai goglkwa mambuno i nono ama akiye angai goramga.

Ka Teke Pangwa 12:11

Nono angro pirngi dingwa ye Sipsip Nangigle bormaimo mina ya God kamo kaima di nongugl endingwa igle mina ye pirngidi kunda yombuglo ere kunda ikine engre atne ende meglkwa. Yegl ere yene nangino ake-gingir dikre ana goramnedi pre kinde kondingwa.

Ka Teke Pangwa 17:6

Ana na kaniga ambu i God yombama du-wakai ya te Yesus wedi pirngi dindre te kangiye dipene endingwa yomba i bormaino nendre du orkwa. Na ambumo i kaniga enge na sipuglo kinde diga. Na i kandre ana nangina koglka.

Ka Teke Pangwa 18:24

Ana siti suna igle propet wagle ya God yombama duwakai ya te yomba tau makandle sigeglkwa ye bormaino ene mina suna paimoglkwa pre yegl eretenaglkwa.”

Ka Teke Pangwa 2:13

Ene dumo ta moglpai etnga i na pirkan erika. Dumomo igle Satan king boglmo yongwa. Ba na kangina ene kaima akegidi motnga, ipre ene na wedi pirngi dinga i ta uglmange erekitnga. Te Antipas engemo yongwa enge na pre pirngi dungwa i dinongugl endungwa pre ana ene dumun mina igle ye sigeglkwa, dumomo igle Satan moglmara.