Hibru 1:11 - Yesus kamo wakai

¹¹ Ana taragl prapra i dundinambuka ba ene aimande aimande mogl panatnga, te taragl i prapra kungugl gagl goglo kinde omere yegl enaglkwa.

Hibru 1:11 ပူးပေါင်းရင်းမြစ်များ

Matyu 24:35

Kamun mitna ya makan okuwo wau borambrika. Ba na kanna prapra ta wau boglkrambuka.

Kamambuno wakai Mak muno boglkwa 13:31

Kamun mitna ya makan okuwo wau borambrika. Ba na kanna prapra ta wau boglkrambuka.

Kamambuno Wakai Luk Muno Boglkwa 21:33

Kamun mitna ya makan okuwo wau borambrika. Ba na kanna prapra ta wau boglkrambuka.”

Hibru 12:27

Ana aglkekor we dungwa kamo i yegl, kamkua ya makan okuwo si pingakar dinan ana taragl ere yongwa i ta pingakar dinaglkwa i keme ikorugl endinambuka, te heven sragl pingakar dikraglkwa i keunde wakai pai moraglkwa.

Hibru 8:13

God kontrak kor we dungwa. Ana ye ka dumara i kontrak komuno ikra wu goglo pi kondungwa, ana taragl prapra goglo ongwa, i wu kinde ongwa pre, enge kurita paimogl dundinambuka.

Ka Teke Pangwa 1:11

Ana ka i yegl dungwa, “Taragl prapra kanga i pepa mina suna bogltre ana God yombama yungu ombuno 7 meglmara endinatnga: I Efesus kamun ya, Smena kamun ya, Pergamam kamun ya, Taiataira kamun ya, Sadis kamun ya, Piladelpia kamun ya te Leodisia kamun.”

Ka Teke Pangwa 2:8

“Ka i pepa muno bogl Smena God yombama angelono moglkwa i to: Na kanna i yegl: Na mambuno boglmara moglka te dundumara moglka, te na gogltre ana aglke andigl kor-moglka.

Ka Teke Pangwa 20:11

Ana na kaniga sia king kande kruwo ta yongo ana yagl ta bolamugl amedi moglkwa. Ye mambuglo mina heven ya te makan teke endimbriko ana dumono ta yeikrukwa.

Ka Teke Pangwa 21:1

Ana na kaniga kamun mitna kor ya te makan kor plaudi pambrika. Sraglpre, kamun mitna ya te makan okuna pambrika wu taya embrika. Te mundi nigl ama ta mogl paikrukwa.