Aposel 8:9 - Yesus kamo wakai

⁹ Ana siti igle giglgiyai ere-ere orkwa yagl ta moglkwa ye kangiye Saimon. Ye kamun kande mambuno bogl giglgiyai eremoglko ana Samaria yomba i kandre nangino keglkwa. Te ye yene pre dimitna ende na yomba kande mole di wangwa.

Aposel 8:9 ပူးပေါင်းရင်းမြစ်များ

Kamambuno Wakai Jon muno boglkwa 7:18

Yomba ta yene nomane mina prumere ka dungwa, ka dungwa i yene kangiye kande inagledi prukwa. Ba yomba ta ye diendungwa yagle i kangiye mina dipene endinan i ye ka kaima dungwa, ana ye mina kakimbi ta suna paikrukwa.

Aposel 13:6

Ana ye endpi Saiprus kamun sunawom prak si ende wu dumo kande Pafos wimbrika, igle Juda yagl ta giglgiyai orkwa yagle moglko kaningwa. Ye propet kakimbi ta moglkwa, kangiye Baryesus.

Aposel 13:8

ba giglgiyai orkwa yagle i Grik ka mina kangiye Elimas, ye yombuglo ere yagl suwo engragledi orkwa. Sraglpre, gavana pirngidi dinambedi pre orkwa.

Aposel 5:36

Okuna yagl ta kangiye Tiudas, ye wu pene pindre yagl kande mole dungo ana yomba 400 mereyegl pi ye mina keglkwa. Ba ye sigeglko, yomba ye mina eingwa ikra teke wu perepere eingo ye kongunmo ikra akiye dundungwa.

Aposel 8:11

Ana ye enge olto giglgiyai orkwa ipre yomba waine-ne ana ye mina kolekole ere waningwa.

2 Tesalonaika 2:4

Ye yene dembiye sindre ana dembiye karaugl ere teingwa yomba taragl kanekane ere God wedi i kunda ikine eretenambuka. Te God holi yungumo yungugl kra amedi mogl ana yene God mole dinambuka.

2 Timoti 3:2

Yomba ye yene pre pirmbi mitna eran, te moni pre munduno pond panan, yene kangino dimitna ende, karaugl engre, yomba kenatnosi tendre, neno mano kanno sende, yomba diwakai yeitekre, ana mambuno wakai mina mokono tenaglkwa.

2 Timoti 3:5

Ye nangino tembe kamambuno singigle pamere ere wanmoraglkwa, ba nomano mina God yombuglomo ya blesingmo wakai i ta suna paikrukwa. Yomba kinde koyeglmere ene kanwinge ere mogl eglke endo.

2 Pita 2:18

Yagl wagle yene ka kinde moglkwa dimara i mina ye kaglkane indre ana yaglambu kunogl gundingwa mambuno ya tandaglme kanekane i nangino danginaglmedi ye yomba kinano singwa: Yegl eriko ana yomba tau makandle mambuno kinde i kinde kondingwa ikra ye aglke yombuglo ere digo ana ye yombamo kinde wagle i mambunono duglo beglkwa.

Ka Teke Pangwa 22:15

Te agl mere erikwa yomba ya kumo ere nimbine kirai erikwa yembi, yagl ya ambu kunogl gundingwa, ya yomba sigeglkwa, ya god kimbi dembiye karaugl erikwa yomba, ya te kakimbi pre munduno pango ka di wanmeglkwa, ya ye prapra siti igle mendakra moraglkwa.