Aposel 7:3 - Yesus kamo wakai

³ ‘Ene dumo makan ya yombanma kindekondo ana na dumo makan ta ombuno ditenaglmara i ene endinatnga.’

Aposel 7:3 ပူးပေါင်းရင်းမြစ်များ

Matyu 10:37

“Yomba ta ye nem mo mam pre munduwo kande panan, na wedi pirkran ye na angra morambuka kuno erekrukwa. Te yomba ta wam ya ambuglo pre munduwo kande panan, na wedi piran paikran ye na angra morambuka kuno erekrukwa.

Kamambuno Wakai Luk Muno Boglkwa 14:33

Kuno yeglmere ene mina suwarata taragl kanekane ye kan ongwa i ta kinde kondokran, ye na disaipelna moglkrambuka.

Aposel 7:4

“Abraham ka i pirtre ana Kaldia yomba makano kondo endpi Haran kamun moglkwa. Igle wan paimoglko ye nem goglko, ana God diendungo ye ende wu dumo makan nono erme keipai mounara igle keipai moglkwa.

2 Korin 6:17

Ana ipre Yaglkande ombugl yegl dungwa, “Yomba pirngi dikrikwa konbaunano mina ene ana ye mina eglke kra molo. Te taragl God ongumuglo mina deglmbi yongwa i ta erekrimbi, ana na ene i-ikine endinaglka.”

Hibru 11:8

Abraham pirngi dungwa pre God agle dungo pirtre ana ye dumo makanmo kindekondo God dumo kor tenagle dumara endongwa. Ana ye dumo aglomere enambuka i ye ta pirkan erekrukwa ba pirngi keme dindre endongwa.