Aposel 2:20 - Yesus kamo wakai

²⁰ ana ande akemim eran te ba akegogl ere wu bormai koglo enambuka, taragl yegl eran, okuwo Yaglkande unambuka engemo kande ya te ambuglangemo i plau dinambuka.

Aposel 2:20 ပူးပေါင်းရင်းမြစ်များ

Matyu 24:29

“Yumbun kanekane i dundinambuka enge, ana oglandi “‘ande akemim erambuka, te ba ambuglangemo dekrambuka, te kugl-kuri kamun mitna uro yange simbi, ana kamun mitna yombuglomo i prapra pinga dinambuka.’

Matyu 27:45

Ande kuiya 12 klok orko, makan koglkoglo mim waidi were kondungo pai endpi ande kuiya 3 klok orkwa.

Kamambuno wakai Mak muno boglkwa 13:24

“Ana enge i yumbun kande plau dinan mokomugl “‘ande akemim erambuka, te ba ambuglangemo dekrambuka.

Kamambuno Wakai Luk Muno Boglkwa 21:25

“Ana enge igle ande mina ya ba mina ya te kugl kuri mina diu kanekane plau dinaglkwa. Makandle yomba nomano kinde eran, ana mundi nigl mong sitombuno yakemakete yomba nomano sikugl endinan ana kundugl goraglkwa.

Aposel 2:19

Kamun kua mitna imbo na kimagl kanekane erimbo, te makandle igle diu gaglebogl plau dinambuka, ana bormai ya endi donga te endi inge kande plau dinan,

Aposel 2:21

Ana taragl yegl erambuka enge, yomba ta Yaglkande wedi kangiye dagl morambuka, i God ere-inambuka.’

1 Korin 5:5

Ana yomba i Satan ongo mina yeiyo, yegl erimbi kade ye nomanemo goglo i gogl kondinambuka. Nono yegl oun, Yaglkande engemo kande mina ye spiritmo ere-inambuka.

1 Tesalonaika 5:2

Yeglpre enene pirkan pogl singwa Yaglkande ikine unambuka engemo i ana kunogl gogl yomba enduwer wimere kuno yeglmere unambuka.

2 Pita 3:10

Yaglkande engemo i kunogl yomba umere yegl unambuka. Enge igle kamkua mina taragl prapra paingwa i gurgagladi wau boraglkwa. Te taragl kembra prapra igle pangwa i donga de kondinaglkwa. Te makan ya taragl kanekane makan mina pangwa i prapra donga de kondinaglkwa.

2 Pita 3:7

Te kamun ya makan erme pambrika i God kamo i mina ake pangwa, ana okuwo endi donga garambuka. Ana enge kande mina yomba mambuno kinde erikwa mere God ka-tange tenan ye prapra wau boraglkwa ipre ye ama suglpai miurka.

Ka Teke Pangwa 16:8

Angelo namba 4 ye dismo toindi ande mina endungwa. God kanwinge orko ande pond dongo ana ninga dumara i yomba de tenge erikwa.

Ka Teke Pangwa 6:12

Ana Sipsip Nangigle ye boma nuglo dangingwa namba 6 akepogl endungo na taragl yegl kaniga: Imem pond ungo te ande ake kama-si gagl alap kama mereyegl orko te ba ake gogl kaima ere wu bormai mereyegl ongwa.