Aposel 19:2 - Yesus kamo wakai

² ana ye krapogl tongwa, “Ene pirngi dingwa enge igle Holi Spirit ene indu-no?” Ba ye di ikine endingwa, “Taman. Holi Spirit moglkwa kamo i no ta pirkunga.”

Aposel 19:2 ပူးပေါင်းရင်းမြစ်များ

Kamambuno Wakai Jon muno boglkwa 7:39

Ye ka i Holi Spirit pre yegl dungwa. Yomba ta ye wedi pirngi dinaglkwa, ana Holi Spirit inaglkwa. Ana enge igle Yesus kangiye kande ikrukwa ipre Holi Spirit ende atne ukrukwa.

Aposel 10:44

Pita ka dimoglko ana Holi Spirit ende atne wu yomba prapra ye kamo pirmeglkwa ye nomano mina suna ongwa.

Aposel 19:5

Yomba ka i pirtre ana Yaglkande Yesus kangiye mina ye baptais erikwa.

Aposel 2:17

“‘God yegl dungwa, Enge dundinagledi mangigl eran na taragl yegl eraglka, na Spiritna toindi yagl ambu prapra mina endinaglka. Ene wano ya amburo propet mereyegl ere na kanna dinaglkwa, ene nangro yagl gakmugl wagle ama sragl ongumutno-mugl eran kanaglkwa, ana ene neno kindagl wagle ye uglkumbu kanaglkwa.

Pol pepa muno bogl Rom yomba tongwa 1:11

Na ene kanagledi pirka i nomana pond pangwa. Sraglpre, Holi Spirit taraglmo wakai tau ene mina pandigl teimbo ana ene sigigledi tenambuka.

1 Korin 6:19

Ene nangino i Holi Spirit yungumo holi yongwa, ye ene mina suna moglkwa, i ene God mina ingwa. Te ene nangino i enene nemyagl moglkrikwa. Ana i ene pirkrimo?

Galesia 3:5

Ana God Spiritmo ene tendre te kimagl kanekane ene mina orkwa i Moses lo dumere ene erikwa pre ormo mo te kamambuno wakai pirtre pirngi dimara i mina orme?