Aposel 18:21 - Yesus kamo wakai

²¹ Ba Pol endinagledi ertre ka dipandigl yegl ditongwa, “God pra wedi piran ana na ende ikine ene meglmara unaglka.” Yegl dindre ye ende suna sip mina pi ana Efesus kamun kondo endongwa.

Aposel 18:21 ပူးပေါင်းရင်းမြစ်များ

Matyu 26:39

Ana ye kurita ende inde pi ye yene yange makan mina gumadra sikirte pai ana kamange orkwa, “Na Nina i pra eragledi pitn kade, geu mingi i na mina ikorugl endo. Ba na pirka mere i kondinatnga, ene pitnga mere ero.”

Kamambuno wakai Mak muno boglkwa 6:46

Ana yomba diende, okuwo Yesus kamange era pre ende makan meglmbe akete ongwa.

Kamambuno Wakai Luk Muno Boglkwa 9:61

Yagl ta ama dungwa, “Yaglkande, na ene mokon mina unaglka, ba komnaiye kanwinge etn na ende ikine pindre, ana yombana wakai molo ditenaglka.”

Aposel 15:29

God kimbi kombuglange gagl teingwa kaiya mokna i God ongumuglo wagle kinde orkwa pre nekraglkwa. Ana ene bormai nekre te dua-kambu nungo kane kogl sigeglkwa i nekraglkwa. Te yagl ambu kunogl gundingwa i mina mogl eglke endinaglkwa. Ana enene sugl wakai mogltre, taragl yegl ta erekrimbi ana wakai moraglkwa. No yegl keme ditendre, wakai we dumga.

Aposel 18:19

Okuwo ye pi Efesus kamun plau dingo ana igle Pol eremogl Prisila ya Akwila kondungwa. Ana ye yene endpi Juda makaino yungu mina ongo Juda yomba bogl ka-tange pirkwa.

Aposel 18:20

Ana yomba igle meglkwa Pol krapogl tendre enge olto ye bogl morambe dingo ana Pol manedi prukwa.

Aposel 18:24

Enge igle Juda yagl ta kangiye Apolos, ana ye Aleksandria kamun nem, ba ye ende Efesus kamun ungwa. Yaglmo ye God kamo kere pirpogl sindre ana ka pamere wakai-yene ere dungwa.

Aposel 19:1

Apolos Korin kamun wanmoglko ana Pol eremogl makan muglo pai omara sipraksi pi Efesus kamun plau dungwa. Igle disaipel tau meglko kan indre,

Aposel 19:17

Juda ya Grik yomba Efesus kamun meglkwa taragl orkwa i pirtre, ye kundugl pond gogltre ana Yaglkande Yesus Krais kangiye dembiyesi mitna imbo endingwa.

Aposel 19:21

Taragl yeglmere prapra plaudi kondungo ana Pol eremogl Masedonia ya Akaia makan sipraksi ende Jerusalem kamun enagledi pirtre yegl dungwa, “Dumo igle na pi kondo ana okuwo endpi Rom kamun ama kanaglka.”

Aposel 20:16

Ba Pol nomane mina yegl pangwa, ye sip indre ana Efesus kamun kondinagledi prukwa. Sraglpre, Esia dumo suna igle ye enge kanana morakiurukwa. Ye tambre kana ende Jerusalem pi ana Pentikos enge kande i ye kanagledi prukwa.

Aposel 21:14

No ka ditomga i ye pir ikruko ana no kindekondo ana yegl dumga, “Yaglkande prukwa mere erambiwo.”

Aposel 21:29

Ye ka yegl dingwa i sraglpre, ye okuna ta kanigwa yagl Trofimas, Efesus kamun nem, ye Pol bogl siti suna wanmiurka ikra ana Pol eremogl ye auro ipi God holi yungumo togl suna omedi pirkwa.

Pol pepa muno bogl Rom yomba tongwa 1:10

Na kamange erika enge, na engenge God diteinga. Ana ye pra ende ene meglmara unatnedi piran ana konbauna ta yauro naran unaglka.

Pol pepa muno bogl Rom yomba tongwa 15:32

Ipre God ta prawedi piran na argan bogl ende ene meglmara wimbo nono prapra kurita mogl ir sinamga.

1 Korin 15:32

Ana Efesus kamun na kambu are kande bogl kunda erika i yomba embriyeno pamere erika panan, ana na sragl taragl mongomo wakai inagle? Te geglkwa ye andiglkraglkwa panan, “I pra nono erme nigl ya kaiya mokna ninamga. Sraglpre, tangina nono goramga.”

1 Korin 16:7

Na enge sungunagle keunde ene kandre ana tambre kana ta ende pikraglka. Tamanga. Ba Yaglkande ye prawedi piran na ene bogl enge olto moragledi pirka.

1 Korin 16:8

Ba na Efesus kamun yawagle mogl-eimbo ana Pentikos engemo yenambuka.

1 Korin 4:19

Ba yaglkande prawedi piran na ene meglmara oglandi unaglka. Undre ana ka sendingwa yomba kanno i ta na pirkraglka, ba ye sragl yomburo pangwa i na doko kanaglka.

2 Korin 13:11

Angrima pirngi dingwa wagle, ka di uglo yei ana wakai we diga. Ene Kristen wakai kaima ya giglendi moraglkwa pre kongun yombuglo eraglkwa. Na ka diteinga ikra ene prapra pirtre duglo boraglkwa. Te enene mina prapra nomano suwara yei deno munduno argan ere moraglkwa. Ana God kanwakai yongwa ya bipokndi akiye ene bogl morambuka.

Efesus 1:1

Na Pol, Yesus Krais aposelmo moglka, i God prumere ere na pinde yungwa. Ana na pepa muno i bogltre ene God yombama du-wakai Efesus kamun meglkwa teinga, ene pirngi dindre ana Yesus Krais mina sidakagl meglkwa.

Hibru 6:3

God sragl kanekane eriyo dinan i pra ye dumere yegl eramga.

Jems 4:15

Ipre ene yegl dimbi kuno erambuka, “Taragl i prapra Yaglkande eraglmedi piran nono kor-mogltre ana kongun i mo kongun ta i pra eramga.”

1 Pita 3:17

Ana nono mambuno wakai ounara ipre God yumbun inaglmedi piran, i pra wakai iwe. Ba nono mambuno kinde ere yumbun inamga i kinde kaima.

Ka Teke Pangwa 1:11

Ana ka i yegl dungwa, “Taragl prapra kanga i pepa mina suna bogltre ana God yombama yungu ombuno 7 meglmara endinatnga: I Efesus kamun ya, Smena kamun ya, Pergamam kamun ya, Taiataira kamun ya, Sadis kamun ya, Piladelpia kamun ya te Leodisia kamun.”

Ka Teke Pangwa 2:1

“Ene ka tau yegl pepa muno bogl Efesus God yombama angelono i to. Kamo i yegl: Na kugl-kuri 7 onguna wokra ake moglka te ken-lam gol mina bekingwa 7 yemara suna igle wu ikine ikine pi wanmoglka, na ene pre ka yegl diga: