Aposel 16:20 - Yesus kamo wakai

²⁰ Ana ye ipi kot pirkwa yomba meglmara pindre ana dingwa, “Yagl suwo i Juda yomba kra, ye no sitino mina igle kunda keurka.

Aposel 16:20 ပူးပေါင်းရင်းမြစ်များ

Matyu 2:3

Yegl digo King Herot ka i pirtre kinde prukwa, te Jerusalem yomba ye bogl akiye meglkwa i prapra pirkwa.

Aposel 16:19

Enge igle ambai suglmo meglkwa yomba ikra kaningo minge moni sidagl neingwa konbo ikra dundungo, ana ye deno kumbruko, Pol ya Sailas gundo paraglandi yendpi yomba kande wagle makaisi meglmara maket dumo eingwa.

Aposel 16:21

Ye mambuno tau beke tembrika i nono Rom yomba lono mina mane dungo pamara i ye eurika.”

Aposel 18:2

Igle Juda yagl ta kan yungwa, kangiye Akwila, ye Pontas kamun kugl yengwa. Te ye embiye Prisila, ana ye Itali kamun mogltre umbrika. Sraglpre, king Klodias ka giglendi dindre Juda yomba prapra Rom kamun kindekondo ende piyo dungwa. Ana Pol eremogl ye miurara kanagledi pre ongwa.

Aposel 19:34

Ba yomba kanpogl singwa, ye Juda yagl ta moglkwa pango ana yomba prapra kaglkane indre dingwa, “No Efesus godno Atemis kande kaima!” Yegl keunde dimeglko ande kuiya awa suwo orkwa.

Aposel 28:22

Ba ene sragl ka noman suna pangwa i dimin no piramnedi punga, te yomba bange bange mogl-eingwa eremogl epigl kor ta Juda yomba mina plau dungwa i yomba dikinde yei wanmeglkwa i no pirkan ounga.”

Pol pepa muno bogl Rom yomba tongwa 12:2

Ene makandle mambuno kinde pamara igle sidange ere wanmoglkriyo, ba ene ende wu eglke embi God ene nomano suna ere-ikor endinan ana mambuno kor i mina wanmoraglkwa. Yegl ere ana God nomanemo wakai eragledi prukwa i ene pirkan eraglkwa i mambuno wakai ya, God wakai pirambuka ya, te mambunomo pamere kuno kaima erambuka.

Jems 4:4

Ene God kinde kondingwa i yagl ambu bogl indre wu perepere pi kunogl gundimere yegl erikwa. Piryo, yomba makandle taragl pre munduno pangwa i God mokono teingwa i ene pirkan erekrimo? Ana yomba ta makandle taragl mina bumbuno gorambuka i ye God yaglkumbamo moglkwa.