Aposel 13:47 - Yesus kamo wakai

⁴⁷ Ana Yaglkande kamo yegl di nono norkwa: “‘Yomba Bina mina ene ambuglange mereyegl moraglkwa pre na i-pene endiga, ipre yomba makan uglo koglkoglo meglkwa ere-inaglka.’”

Aposel 13:47 ပူးပေါင်းရင်းမြစ်များ

Matyu 28:19

Yeglpre ene ende makan koglkoglo pi ana erimbi yomba prapra na disaipelna eraglkwa. Ana Nem ya Wam te Holi Spirit ye kangiye mina baptais ere teiyo.

Kamambuno wakai Mak muno boglkwa 16:15

Ana ye ditongwa, “Ene ende makan uglomugl koglkoglo pindre ana kamambuno wakai yomba kanekane prapra dipene ende teiyo.

Kamambuno Wakai Luk Muno Boglkwa 2:32

Ambuglange wakai si Yomba Bina nomano mina ende tendre ana enene yombanma Israel kangino kande tenga.”

Kamambuno Wakai Luk Muno Boglkwa 24:47

Ana ye kangiye mina Jerusalem mambuno bogl kamambuno dipene ende dumo kamun koglkoglo embi ana yomba nomano yake tembi ana God tandaglmeno kindekondo tenambuka.

Aposel 1:8

Ba Holi Spirit ende ene mina unambuka enge, ene yombutno indre ana na kanna mambuno Jerusalem dindre, Judia dindre, Samaria dindre ana makan uglo koglkoglo kawaiye ere diwaidi enaglkwa.”

Aposel 22:21

“Ba Yaglkande yegl dinarkwa, ‘Endpo. Sraglpre, na ene diendimbo ende eglkekuri Yomba Bina meglmara enatnga.’”

Aposel 26:23

Ye yegl dingwa, ‘Krais ye giugl pirtre, gogl ana geglkwa mina ye komuno kana andigl ukor pindre ana yene yombama Juda wagle ya te Yomba Bina mina ambuglange ka ditenambuka.’”

Aposel 9:15

Ba Yaglkande yegl di Ananaias tongwa, “Ene endpo! Sraglpre, yagl i na konguna erambedi pre pinde inga. Ana Yomba Bina ya ye kingno ya te Israel yomba meglmara akiye na kangina ye dipene ende tenambuka.