1 Pita 2:6 - Yesus kamo wakai

⁶ Kamambuno pepa mina okuna ka yegl pangwa: “Piryo, na kombuglo wakai kaima ta pinde indre ana Saion muglo sunawom kauglange giglendi si pandiglka. Ana yomba ta kombuglomo i pirngi dimbi ye angai ta goglkraglkwa.”

1 Pita 2:6 ပူးပေါင်းရင်းမြစ်များ

Matyu 12:18

“Kaniyo, i na konguna yomba, na ye morambedi pinde i kondiga. Ye pre suwara munduna pangwa, te ye wakai kaninga. Nana Spiritna di ye mina endinaglka, ana ye yomba makan koglkoglo mambuno du-wakai eraglmedi pre, dipendigl ende tenambuka.

Kamambuno wakai Mak muno boglkwa 12:10

Kaima ene kamambuno okuna muno beglkwa i kerekrimo? “‘Kamda wagle kombuglo kinde wedi egla pagl menda endingwa, ba kombuglomo i giglendi kauglange sunawom pangwa.

Kamambuno Wakai Luk Muno Boglkwa 20:17

Yesus toro mendigl pandigl yomba kandre ana krapoglkwa, “Ka yeglmere muno beglkwa pangwa i mambuno sraglmere pame? “‘Ana kamda wagle kombuglo i kinde wedi plendi menda endingwa. Ba kombuglomo wu kombuglo kauglange giglendi pangwa.’

Kamambuno Wakai Luk Muno Boglkwa 23:35

Yomba igle andigl kanmeglko ana Juda yomba mina ende okuna eingwa ye eremogl Yesus nangiye ka-singwa, “Ye yomba tau ere-yungura, ana God pinde yungwa yomba Mesaia kaima moran kade yene ere-yondo.”

Kamambuno Wakai Jon muno boglkwa 7:38

Kamambuno mina okuna muno yegl beglko pangwa: ‘Yomba ta na pirngi dinan, ana kor aimande meglkwa nigl i yene munduwo ombo mina suna kuglosi ende bina unambuka.’”

Aposel 1:16

“Angrima wagle! Judas eremogl yomba auro ipi Yesus moglmara ombunodi tenan sikane sinaglkwa i kamo Holi Spirit akeple dungo Devit kamambuno pepa mina okuna muno boglkwa i kaima pai inambuka.

Pol pepa muno bogl Rom yomba tongwa 10:11

Ana kamambuno pepa mina kamo ipre ka yegl dungwa, “Yomba ta Yesus wedi pirngi dungwa ye angai goglkrambuka.”

Efesus 1:4

Sraglpre, ye kamun makan beke yeikrukwa enge, nono pinde yungwa pre Yesus Krais bogl sindakagl mogltre ana nono aglau erekre ye ongumuglo mina holi moramga.

Efesus 2:20

Ene ombugl God yungu mereyegl kei yongwa te ye eremogl aposel wagle ya te propet wagle yungu i kauglange giglendi si pandigl tongwa. Te Yesus Krais yene yungu kombuglo kauglange kaima moglkwa.

2 Timoti 3:16

Ka mambuno pepa mina okuna prapra pangwa i God Spiritmo akeple dungo beglkwa. I ka wakai kaima beke norambuka, te tandaglmeno ombunodi noro, te konbo du wanamga ombuno dinoro ana mambuno du-yene eramga pre beke norambuka.

1 Pita 2:4

Ene ende Yaglkande mina wiyo. Ye kombuglo mereyegl kor-moglkwa. Yomba komnaiye kana ye kombuglo kinde wedi plendi menda endingwa. Ba God pinde i-pere ende kondindre ana kombuglo i wakai kaima we dungwa.

1 Pita 2:8

Te, “Yomba pirngi dikrikwa, ye kombuglo kembra mereyegl ere singe tenan katno bogltre te kombuglo kande mereyegl ere endinan yange sinaglkwa.” Sraglpre, God kamo ye sendingwa pre ana ye kombuglo katno sindre yangingwa, i okuna imbo yegl eraglmedi pre God dipanduglkwa.

2 Pita 1:20

Ene komnaiye kana propet ka yegl pirdime dinaglkwa, kamambuno pepa mina, propet wagle ka pandum diendingo pangwa i yomba ta ye yene prumere ka i di mongo kariye sinambuka paikrukwa. Tamanga.

2 Pita 3:16

Ye pepa muno prapra boglmara ana mambuno i keunde kamo dungwa. Ye pepa muno prapra boglmara suna igle ka tau yombugl dange orko nono pirpogl sinamga mere manga. Te ka i pir-oglmba singwa, ya pirngino gigle dikrukwa yomba ye ka i guagua dindre te ka tau prapra kamambuno pepa mina okuna pangwa i ama ye yegl ere sendingwa. Te erikwa ipre okuwo ye yene wau boraglkwa.