1 Jon 5:1 - Yesus kamo wakai

¹ Yomba ye Yesus pre Mesaia moglmedi pirngi dingwa, ye God nangiglma meglkwa. Yomba ta eremogl neno pre munduno panan, ana ye nangiglma pre akiye munduno pangwa.

1 Jon 5:1 ပူးပေါင်းရင်းမြစ်များ

Matyu 16:16

Saimon Pita yegl di ikine endungwa, “Ene Krais, God kor aimande moglkwa Wam.”

Kamambuno Wakai Luk Muno Boglkwa 7:5

Sraglpre yaglmo i no yomba kanwakai yendre ana yene makai yungu no kei norkwa.”

Kamambuno Wakai Jon muno boglkwa 1:3

Ye mina taragl prapra God ere yongwa, taragl kanekane ere yongwa i ye moglko keunde ere yongwa.

Kamambuno Wakai Jon muno boglkwa 15:23

Yomba ta na kanwakai yei narekrukwa i ye ama Nina kanwakai yeitekrukwa.

Kamambuno Wakai Jon muno boglkwa 3:3

Yesus yegl di ikine endungwa, “Na ka kaima ene di teinga, yomba ta ye kor kugl yeikrimbi ukor pikran ye God kingdomo ta kankrambuka.”

Kamambuno Wakai Jon muno boglkwa 6:69

Ana no etne pirngi dumga, te pirkan ounga i ene Suwara Holi mogltre, God mina unga.”

Kamambuno Wakai Jon muno boglkwa 8:42

Yesus yegl di ye tongwa, “Ene Neno kaima God moran kade ana ene na wakai kanaglkwa. Sraglpre, na God mina undre ana erme igle moglka. Na pirmere ta wu erekrika, ba ye na diendungo wingwa.

Aposel 8:36

Ye bugla-hos-kar mina endpi nigl numbun ta moglmara plau dimbriko ana yagle ikra yegl dungwa, “Kano! Nigl moglkwa yawe. Na baptais eraglka i aglau ta ormo?”

Aposel 8:37

Ana Pilip di ikine endungwa, “Ene kaima noman suna, te den mundun mina, mundu boglkango pirngi dimin i pra baptais eratnga.” Ana yaglmo di ikine endungwa, “Na kaima pirngi dinga, Yesus Krais ye God Wam kaima moglkwa.”

Jems 1:18

Ye yene kamo pamere ere ana nono neno moglkwa. Ye yene kamo kaima i mina nono kugl yongwa. Taragl tau ere yomara i nono endi mongo komuno koglkwa mereyegl yomba prapra ya te taragl prapra ere yongwa i nono mounga.

1 Pita 1:3

Nono God dembiyesi tenamga, ye nono Yaglkandeno Yesus Krais nem moglkwa. Te ye nono mitno pond gogltre ana Yesus Krais goglmara ikor endungwa. Ye mina God nono ere-ikor endungo ana nono okuwo kor-moramga ipre kuie ere mounga.

1 Jon 2:10

Yomba ta ye angigle kanwakai yongwa i ana ambuglange sumara wanmoglkwa. Ambuglange igle mina taragl kinde ta bagl nusinan ye yange sikrambuka.

1 Jon 2:29

Ene pirmbi Krais du-wakai moglkwa panan, ana ene pirkan eraglkwa, yomba ta mambuno du-yene eraglkwa ikra ye God nangiglma kaima meglkwa.

1 Jon 3:14

Nono yegl piramga, angro ta pre munduno pango kanwakai yomga ikra gounga mambuno i kindekondo ukor omga. Yomba ta angigle kan wakai yeikrukwa ye geglkwa mambuno i mina suna mogl pangwa.

1 Jon 3:17

Yomba ta taragl merkinde paitenambuka ana ye angigle ta taragl ta inagledi doko moglkwa i kanambuka, ba ye miriye goglkran ana God wakai kangwa mambuno i ye mina sraglmere suna panambe?

1 Jon 3:9

Yomba ta God nangigle moglkwa i tandaglme aimande ta ere moglkrambuka. Sraglpre, God embriye mambunomo i ye mina pangwa pre ana tandaglme aimande ta erekrambuka. Tamanga; ye God yombamo kaima moglkwa.

1 Jon 4:2

Ana mambuno yegl mina ene God Spiritmo kanpogl sinaglkwa: Yomba ta eremogl Yesus Krais pre, ‘yomba nangiye kaima pame’ dinan ana God Spiritmo yomba i mina moglkwa.

1 Jon 4:20

Ana yomba ta na God kanwakai yei ye dinambuka, ba ye angigle kankinde yei tenan ana ye kakimbi yomba moglkwa. Te yomba ta angigle magl moglko kangwa i kanwakai yeikran ana God teke moglko kankrukwa pre ye eremogl God kanwakai yeikrambuka.

1 Jon 4:7

Angrima wagle, nono yomba tau pre munduno panan kanwakai yeinamga. Sraglpre, yomba kanwakai yengwa mambuno i God mina ungwa. Ana ta ye yomba pre munduwo panan, ye God nangigle moglkwa pre ana God mambunomo pirkan orkwa.

1 Jon 5:18

Nono pirkan ounga, God nangiglma meglkwa i tandaglme aimande ta ere wanmoglkrikwa. God yene nangiglma sugl wakai moglko ana Satan ta ye erekinde eretekrukwa.

1 Jon 5:4

Sraglpre, God nangiglma wagle ye makandle embriye mambuno kinde i engre atne endingwa. Ana nono pirngi dumunara i mina yombuglo ere makandle embriye mambuno kinde i ama engre atne endumga.

1 Jon 5:5

Ana makandle embriye mambuno kinde i yomba ira yombuglo ere engre atne endume? Yomba ta Yesus pre God Wam moglmedi pirngi dungwa yomba i keunde yombuglo erikwa.