1 Jon 3:3 - Yesus kamo wakai

³ Ana yomba ipre munduno pango sugl meglkwa, ye yene nomano tokaisindre ana Yesus du-wakai moglmere yegl ye ama du-wakai meglkwa.

1 Jon 3:3 ပူးပေါင်းရင်းမြစ်များ

Matyu 5:48

Yeglpre ene Neno heven imbo du-yene moglmere yegl ene ama du-yene molo.”

Kamambuno Wakai Luk Muno Boglkwa 6:36

Ene Neno yomba pre mitno goglmere yegl ene ama yomba pre mitno golo.

Kamambuno Wakai Jon muno boglkwa 17:19

Ana ye pre nana wu holi enaglka, ye ama kuno yegl wu holi eingwa.

Aposel 15:9

Nono ere-ta ende noro te kamambuno kiurikwa yomba ere-ta ende tekrukwa. Ye Yesus wedi pirngi digo ana tandaglme koko endungo nomano pesungwa.

Pol pepa muno bogl Rom yomba tongwa 15:12

Te propet Aisaia ama ka ta yegl dungwa, “Jesi gawamo ta okuwo plau dinambuka, ye plau dindre ana yomba kande mogl dumo makan koglkoglo sutno morambuka, ana Yomba Bina enge i aunake plau dinan no akeple dinambedi kuie ere moraglkwa.”

2 Korin 7:1

Na yombanma wagle, God taragl i pre ka dipandigl nono norkwa ikra i kondumga. Ipre nono nangino kuiyano ya spirit mina deglmbi yongwa i kondo ana holi moramga. Nono God kunduglmo gogl ana mambuno holi engenge ere moramniwo.

Kolosi 1:5

te komnaiye kana ka kaima i Yesus kamo wakai ende ene mina ungwa enge, ene pirmara igle ana taragl wakai i-pene ende tongwa. Ipre taragl wakai i heven imbo ene pre wakai yei pago, ana ene wakai pirkwa ya te pirngi dingwa taragl i mina pago ina pre sugl meglkwa.

2 Tesalonaika 2:16

Nono Yaglkande Yesus Krais ya te Neno God ye nono kanwakai yongwa. Te yene wakaimo mina ere endungo nono nomano engenge pokndungwa. Te nono akepledi norko pirngi dindre ana okuwo taragl wakai aimande inamga ipre sugl mounga.

Taitus 3:7

Ye wakaimo orko no wu yomba du-wakai omga. Yegl ere norkwa ipre nono kor aimande meglkwa inamga i pirngi dindre sugl kanmunga.

Hibru 12:14

Yomba prapra nomano pokndi yenan ana holi moraglkwa ipre kongun yombuglo ere eraglkwa, ba yomba holi kaima ta moglkrimbi ye Yaglkande ta kankraglkwa.

Hibru 6:18

Yegl pre erme ka suwo pangwa, i ka di giglendi panduglkwa i ya te ka kaima we dungwa, ye ka suwo i ta kondokrambuka, ipre nomano giglendi pangwa ana nono mukundi ye moglmara pi, God taragl noragle dungwa ipre nomane sigigle dindre sugl moramga.

Hibru 7:26

Yesus nono prisno kande mogltre akepledi norkwa. Ye holi mogltre, tandaglme ta paikruko te mambuno wakai ere tandaglme yomba meglmara mogl eglke endungo ana God eremogl Yesus yend heven suna ongwa.

Jems 4:8

Ene ende God moglmara mangigl wimbi ana ye ene meglmara mangigl unambuka. Ene tandaglme erikwa yomba ene onguno nigl kolo. Te ene noman suwo yeingwa yomba ana ene nomano kinde i sendiyo.

1 Pita 1:15

God ene aglendi yungwa ye holi moglkwa, kuno yegl ene ama holi mogl mambuno wakai prapra eriyo.

1 Pita 1:3

Nono God dembiyesi tenamga, ye nono Yaglkandeno Yesus Krais nem moglkwa. Te ye nono mitno pond gogltre ana Yesus Krais goglmara ikor endungwa. Ye mina God nono ere-ikor endungo ana nono okuwo kor-moramga ipre kuie ere mounga.

2 Pita 1:4

Mambuno i mina taragl kande kaima ya te wakai kaima okuna dipanduglkwa ikra nono norkwa. Ene ipre pirtre ana yomba makandle taragl bumbuno gogl God dikinde yeingwa i mokono tendre, ana God prumere ya mambunomo wakai i mina ene moraglkwa.

2 Pita 3:14

Angrima wagle, ene taragl i plau dinambedi pre sugl meglkwa ipre enene God ongumuglo mina kongun yombuglo ere ana tandaglme wu nangino dange dinambedi ertre ana God bogl nomano bipokndi yei molo. Yegl erimbi ana okuwo enge kande mina ene wakai ere meglkwa i God kanambuka.

1 Jon 2:6

Ba yomba ta God mina sidakagl mole dinan, ana ye Yesus mambuno pamere yegl ere wanambuka.

1 Jon 4:17

Mambuno yegl mina ye munduwo argan ere kanwakai yongwa i nono mina pai kau sungwa pre ana enge kande mina yomba yumbu sinambuka enge nono kundugl ta goglkramga. Sraglpre, ye moglmere yegl nono makandle igle mounga.