1 Jon 2:3 - Yesus kamo wakai

³ Ana nono God lomo dumere oun, nono kaima yegl piramga; nono ye pirkan pogl sumga.

1 Jon 2:3 ပူးပေါင်းရင်းမြစ်များ

Kamambuno Wakai Luk Muno Boglkwa 6:46

“Ene sraglpre na kangina dagl, Yaglkande, Yaglkande dindre ana na sragl ero diteimere erekitne?

Kamambuno Wakai Jon muno boglkwa 14:15

“Ene na wakai kanimbi kade, ana na ka kindine dimere i ene duglo boraglkwa.

Kamambuno Wakai Jon muno boglkwa 15:10

Ana na ka kindine dinga i ene dimere pinande erimbi, na kanwakai yeimara suna igle ene moraglkwa. Ana kuno yegl Nina ka kindine dungwa i na pinande ertre, ana ye kanwakai yomara suna igle na moglka.

Kamambuno Wakai Jon muno boglkwa 15:14

Ba na kongun eriyo diteinga i erimbi, ana ene na angrima kaima moraglkwa.

Kamambuno Wakai Jon muno boglkwa 17:3

Ana kor aimande moraglkwa i mambuno yegl pangwa. Yomba pirpogl sinaglkwa, i God kaima ene suwara motnga, te ye ama Yesus Krais kanpogl sinaglkwa, ye ene diendinga ungwa.

2 Korin 4:6

God okuna ka yegl dungwa, “Mim ere pamara suna ambuglange plaudi ambuglange suo.” Godmo suwara i keunde ambuglangemo wu no mina pandre nomano mina ambuglange pond sungwa. Ana ambuglangemo i yegl: No kamga God ambuglangemo pond Yesus Krais guma dra mina pangwa.

Hibru 5:9

Ana ye yegl orkwa ipre aglaumo ta paikruko wakai moglkwa. Yomba ye kamo pinande eraglkwa prapra kor aimande meglkwa ere-inaglkwa i ye mambuno kaima moglkwa pre tenambuka.

1 Jon 2:13

Nenma wagle, na pepa i bogl ene teinga. Sraglpre, yagl i okuna imbo mogl ungwa erme moglkwa i mambunomo ene pirkan erikwa. Yagl gakmugl wagle, na pepa i bogl ene teinga. Sraglpre, Satan mambunomo kinde ene engre atne ende kendingwa. Nangrima kembra wagle, ene God Neno pirkan kendingwa. Ipre na pepa i bogl ene teinga.

1 Jon 3:14

Nono yegl piramga, angro ta pre munduno pango kanwakai yomga ikra gounga mambuno i kindekondo ukor omga. Yomba ta angigle kan wakai yeikrukwa ye geglkwa mambuno i mina suna mogl pangwa.

1 Jon 3:19

Yegl ounara i nono pirkan eramga, nono ka kaima mina mounga. Mambuno igle mina nono God ongumuglo wagle kundugl goglkre giglendi moramga.

1 Jon 3:6

Yomba ta Yesus mina sidakagl meglkwa, ye tandaglme aimande ta erekrikwa. Ba yomba ta tandaglme ningadi erikwa i ye Yesus ta kankre te pirkre erikwa.

1 Jon 4:13

Mambuno yegl i mina nono pirdimedi ana ye mina moungo te ye nono bogl moglkwa. Sraglpre, ye Spiritmo norko nono mina suna moglkwa.

1 Jon 4:7

Angrima wagle, nono yomba tau pre munduno panan kanwakai yeinamga. Sraglpre, yomba kanwakai yengwa mambuno i God mina ungwa. Ana ta ye yomba pre munduwo panan, ye God nangigle moglkwa pre ana God mambunomo pirkan orkwa.

1 Jon 5:19

Nono God nangiglma mounga pre ana pirkan ounga, te makan koglkoglo mogl eimara suna igle Satan kongun akeningandi ere ende okuna ongwa.

1 Jon 5:2

Nono God nangiglma pre munduno pango pirkan ounga i mambuno yegl: God wedi munduno pango ana ye lomo prapra pinande orumnara i dipoglkwa.

1 Jon 5:3

Nono God pre munduno panan, ye lomo prapra pinande eramga. Ye lomo i wirigl ta paikrukwa.

Ka Teke Pangwa 12:17

Yegl orko, toki dem pond kumburo ambu ikra tendre, ana ye nangiglma God lomo ake giglendi mogl te Yesus Krais kamo kaima dipene endingwa i kunda eretena pre ende menda ongwa.

Ka Teke Pangwa 14:12

Taragl i plau dinambuka enge God yomba du-wakai meglkwa lomo pir pinande ere ana Yesus wedi pirngi dingwa gugl sikrukwa ye giglendi andigl moraglkwa.

Ka Teke Pangwa 22:14

“Yomba gatno suna nigl endingwa ye gun yenaglkwa, ye pra kor aimande moraglkwa endi mongo nendre te siti i toglmo konbo dra yemara ye ende suna enaglkwa.