Luke 9:12 - Kadu

¹² ညနေစောင်းဒီဘင်းအတွာတ် တပယ့်တော်ရှစ်နူဘန်း ကလိန်းဟူးတာတ်ကား ကိုယ်တော်ပါထုတ်ကြီးရီဘန်း "ကိုယ်တော်၊ အဘင်းအရပ်ကား သမီဆာထုတ်လားစစ်ပင်းအရပ်ထှာဘင်းအတွာတ် အဘင်းသမီဆအုပ်တုံန်းတေ အဘင်းပိုက်ပေငှါဘင်း ထိန်တေပါ တတ်နာန်။ အန်တာတ်ကား နင်းဒင်ယောက်ယုတ်တင်တေလိုသမှာ" ညယ်လျှောက်တာန်သမှာ။

Luke 9:12 ပူးပေါင်းရင်းမြစ်များ

Luke 9:11

အန်ဘင်းအကြောင်းအရာတေဒေ သမီဆာကလောင်းတုံန်းတာတ်ကား မိန်းရှာတ်ခါဘင်းအတွာတ် ကိုယ်တော်ဟလိန်းဘေဒီရာတ်ကြီးမှာ။ ကိုယ်တော်ရီးဒါး အန်တာတ်တေ ကြိုဆိုသဘန်း ဘုရားရှာန်ဘင်း သာသနာတော်အကြောင်းယောက် ပတ်သက်သဘန်း ရှာန်းရှာန်းလာန်းလာန်း ဟောသကာစီးဘန်းနာ အနင်းမဲဘင်းဆိတ်တာတ်တေဒေရီဒါး နင်းမဲကွန်းအွန်အီမှာ။

Luke 9:13

ကိုယ်တော်ကား "အန်တာတ်တေ ယုတ်တင်စယ်ယာအီရာန်" ညယ်မိန့်တာန်မှါခ့်ခါ အန်တာတ်ကား "အလေဘေကား ပေါင်မုန့်ရှာရှာ ဟာဟုတ်ယောက် တာန်းငှါကလိန်းနူ၌ငှါလား။ အဘင်းသမီဆာအားလုံးဒေ အီယုတ်ကူငှေါဘန်းကား ယုတ်တင်တေဒေ မီးရာထှာကူ" ညယ်လျှောက်သပဲမှာ။