Luke 8:24 - Kadu

²⁴ အန်၌မှါခ့်ခါ တပယ့်တော်တာတ်ကား ကိုယ်တော်တေဆော်ပန်း "ကိုယ်တော်၊ ကိုယ်တော် အလေကားရှီးထှာကဘန်း" ညယ်လျှောက်တာန်သဘင်းအတွာတ် ကိုယ်တော်ကား အေ့ပ်နင်းလားဟက်ရဲရီဘန်း မုန်တိုင်းယောက် ဝဲလှိုင်းတုံန်းတေဒေ ရပ်သကွန်း အမိန့်အီရာန်မှါခ့်ခါ အန်ဘင်းမုန်တိုင်းယောက် ဝဲလှိုင်းတုံန်းတေကား ငြိမ်သအက်လာန်ဘဲမှာ။

Luke 8:24 ပူးပေါင်းရင်းမြစ်များ

Luke 4:35

အန်၌မှါခ့်ခါ ကိုယ်တော်ကား အမဲဘင်းနနူဒေ "ယူရှီရှီဆာ ဟိန်ဟက်ပူလာန်ဘဲ" ညယ်အမိန့်အီရာန်မယောက် ချတ်ချန်း အမဲဘင်းနနူကား အန်ဘင်းသမီဆာတေ သမီဆာတာတ်မန်းဘင်း ကာစောက်ပေပေါ်ဘန်း ဟမာန်ကစဲအအွန်ညယ် ဟိန်ဟက် ပူလာန်ဘဲမှာ။

Luke 4:39

အမှာတွာတ် ကိုယ်တော်ကား အီးရှီပိုက်ပါလာန်ဘန်း ကနာဟာနင်းဘင်းနာတေ ကယာစိန်းဒင် အမိန့်အီရာန်မယောက် ဟိန်ကား မဲဟာန်းရီဘန်း ချတ်ချန်းရဲဘန်းနာ အန်တာတ်တေ ဧည့်ခံသမှာ။

Luke 5:5

ရှိမုန် ကား "ကိုယ်တော်၊ အလေကား နာတ်ကြယ်ကျယ်ရာလုံး ပါန်ပါန်ပန်းပန်းအွန်ကြီးဒီဒါး တာန်းငှါနူဝါစဲ အလူရီရား။ အန်နိမ်စါန်းငှေါဒီဒါး ကိုယ်တော်စိန်းယုတ်ပင်းအတွာတ် ပိုက်တေပန်းနူချတာန်ကူ" ညယ် လျှောက်တာန်သမှာ။

Luke 8:25

စီးမှါခ့်ခါ ကိုယ်တော်ကား တပယ့်‌တော်တာတ်တေ "ဟနိမ်ယုံကြည်သဘင်းနာကားဟာပေကား" ညယ်စိန်ယူရာန်မှါခ့်ခါ အန်တာတ်ကား အကြီးကျယ်အံ့ဩသကြီးဘန်း "အဘင်းဆိတ်ကား ဟာဟမဲကား" "လှိုင်းတေယောက် လေတေစဲ ဟိန်အမိန့်တေ သက်ကြီးထှာမှာ" ညယ်အချန်းချန်းငှေါနင်းကြီးမှာ။