Matiye 22:3 - Maketuru le Lubba ke tar kabba

³ Nula nje-kulaje laa kare bbar dewje ke n̂-bbarde kusu te le. A dewje le mbeteje ta ddee.

Dɔnɔn kə̂ Siki: Tar kə̂ aw arə təbbə

³ Nula njê-kulaje laa karə bbar dəwje kə̂ n̂-bbarde kusu tə̂ le. A dəwje le mbətəje ta ddee.

Matiye 22:3 ပူးပေါင်းရင်းမြစ်များ

Apokalisi 22:17

Ndil de ke dene ke nje-ngaw le, n̂-paje na: «E-ddee!» Maji kare dew ke oo tar neenn pa tɔ na: «E-ddee!» Maji kare dew ke kunda ɔen ddee. Dew ke ndiki a, taa maann ke aw are tebbe dew le baa njaa ay!

Kulaje 13:45

Toke Jiipije ooje dewje ke banya banya le a, me ddade. N̂-paje tar ke tila kem tar le Pɔl ngaa n̂-tajeje.

Luku 19:27

A nje-baanji lem ke ndikije ta kare mɔn dɔde ang le, e-ddeeje ke de bbo ujaje gɔbbude keem te neenn.»

Luku 15:28

Wungu ɔen are n̂-mbete ta kande key. Bɔeje tee ngaa duje nya kare ta nande key.

Luku 13:34

Dewje ke Jurusalam, dewje ke Jurusalam! Esese ke aw tɔlje nje-kila mber-tarje le Lubba ngaa aw tilaje dewje ke Lubba ulade arese ke er. M-ndiki nya ta mbɔnse toke kɔn̂-kunja aw mbɔn nganne kɔy bake te, a e-ndikije ang.

Matiye 23:37

See dewje ke Jurusalam, see dewje ke Jurusalam! Sese ke aw tɔlje nje-kilaje mber-tar le Lubba, ngaa aw tilaje dewje ke Lubba ulade rɔse te ke er e-tɔljede. M-ndiki nya ta mbɔnse toke kɔn kunja aw mbɔn nganne kɔ bake te a, e-ndikije ang.

Matiye 3:2

N̂-pa na: «E-turuje ddew lese mba Bbe-kɔn ke darâ e ngɔsi.»

Matiye 21:34

Kare kuja kande binye le ase a, nula ngann nje-kulaje laa rɔ nje-ddaje kula me ndɔɔ binye te le kare dulaje ke kande binye laa dareje.

Matiye 9:15

Jeju ilade te na: «Ejeje to nje-buwa-kuraje le nje-dene ke siki a ndingaje ndoo kare te ke nje-taa dene le nayn ke de bbay wa? Baann ang. A kare a ddee kare dunn nje-taa dene le dɔtu ne, a da kinyaje ne kusa bbay.»