Marke 2:18 - Maketuru le Lubba ke tar kabba

¹⁸ Mare ndɔ, nje-njaje-go Jan-Batisi te, ke Parijiyenje daw dinyaje ne-kusa a, dewje aw dujuje Jeju na: « Mba ddi bba nje-njaje-go Jan-Batisi te ke nje-njaje-go Parijiyenje te aw inyaje ne-kusa a, nje-njaje goi te inyaje ne-kusa ang wa?»

Dɔnɔn kə̂ Siki: Tar kə̂ aw arə təbbə

¹⁸ Marə ndɔ, njê-njaje go Jan-Batisi tə̂ kə Parijinyɛje aw ɔkuje rɔde nɛ̂n-kusa a, dəwje aw dujuje Jeju nan: «Mba ddi bba njê-njaje go Jan-Batisi tə̂ kə njê-njaje go Parijinyɛje tə̂ aw ɔkuje rɔde nɛ̂n-kusa, a njê-njaje goi tə̂ ɔkuje rɔde nɛ̂n-kusa ang wa?»

Marke 2:18 ပူးပေါင်းရင်းမြစ်များ

Matiye 23:5

Daw n̂-ddaje neje tɔyn mba kare dewje oojede. Yeenn a, n̂-ddaje bbɔl endarje ke daw ngemje maketuruje le Lubba me te dare bo ngaa, n̂-ddaje ta-kubbuje lede dare ngal ngal

Matiye 6:16

«Toke e-mbeteje ne-kusa a, e-tɔjuje to isije ke rɔ-kate ddew kara baa toke nje-ngemje aw ddajeenn ang. Daw n̂-tɔju dɔ kemde te to daw n̂-mbeteje ne-kusa. M-pa marese, to tar ke tɔkɔrɔ, dingaje kuka lede mban.

Matiye 6:18

Baann bba kare dewje gereje to aw e-mbete ne-kusa ang. A are Bɔije kara baa njaa ke ee lo te ke iya rɔe a gere. Bɔije ke aw oo ne ke to lo-kiyae te le a kukai.»

Marke 2:19

A Jeju ilade te na: « Ejeje to dewje ke n̂-bbarde kusu taa naa te a kinyaje ne-kusa kare te ke nje-dene le isi ke de wa? Baann ang. Toke n̂-nayn ke de bbay a, daseje ta kinya ne-kusa ang.

Luku 18:12

Maw m-mbete ne-kusa gɔl joo, me ndɔje te ke siri, mare *ne-polo Lubba ddew neje te tɔyn ke minga.