Luku 9:26 - Maketuru le Lubba ke tar kabba

²⁶ Tɔkɔrɔ dew ke dda rɔ-kul lem ngaa dda rɔ-kul ta pa tar lem a, Ngonn le dew a dda rɔ-kul laa ndɔ te ke na ddee ke ndoko laa, ke le bɔeje, ke le nje-kulaje le Lubba ke maji tɔyn.

Dɔnɔn kə̂ Siki: Tar kə̂ aw arə təbbə

²⁶ Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Luku 9:26 ပူးပေါင်းရင်းမြစ်များ

Matiye 16:27

Mba Ngonn le dew a ddee me piti te le Bɔeje, ke anjije laa. Ngaa na kuka dew kara kara ase kula ddae.

Matiye 25:31

«Ndɔ ke Ngonn le dew a ddee ke anjije laa tɔyn me piti te laa a, na kisi dɔ ngende-mbay te laa ke to ne-piti.

Matiye 26:64

Jeju ilae te na: «Ei njaa e-pa mban. A m-pa marese, bbasine neenn njaa a kooje Ngonn le dew dɔ-ji kɔl Lubba te ke nje-singa-mɔngu. A kooeje kare te ke na kin darâ ta ddee me mum te tɔ.

Marke 8:38

Bbo dew dda rɔ-kul lem, ke rɔ-kul tar lem kem dewje te ke bbokone neenn a, Ngonn le dew a dda rɔ-kul laa ndɔ te ke na ddee ke anjije laa ke majije tɔyn me piti te le Bɔeje. Mba dewje ke bbasine neenn le toje to nje-ne-ddaje ke maji ang ddem, nje-mbeteje taa Lubba ddem.

Kulaje 10:22

Dilaje te na: «Kɔrunay, nje-kɔn dɔ mbambaje a ulaje. N̂-to dew ke gate gate ngaa naw n̂-bbeel Lubba. Jiipije tɔyn aw paje tar laa maji. Anji le Lubba pa are kare n̂-bbari me key te laa, kare noo tar ke a ta pa kare.»

1 Timɔte 5:21

M-duji nya kem Lubba te, ke kem Jeju Kiriste te, ke kem anjije te ke maji tɔyn kare e-dda ne ke turu nduje ke munn mari. Ɔru kem dew ang, e-dda ke dewje tɔyn ddew kara baa.

2 Timɔte 1:12

Gele ke neenn le bba maw moo ne ndoo. A rɔ-kule ddam ang, mba m-gere dew ke munn mem mare le ke maje, ngaa m-gere ke maje to nee ke singa ta ngem ne ke ninya me jim te ndereng ddutu ndɔ a kase.

2 Timɔte 2:12

Toke juwaje jare ngeng a, ja kɔnje tɔku-mbay saa. Toke n̂-mbeteje a, ne njaa kara na mbeteje tɔ.

Apokalisi 1:7

Ooje, naw n̂-ddee me mum te! Dewje tɔyn a kooeje. Nje ke ɔseje ke ninga njaa kara a kooeje tɔ. Gel-dewje tɔyn a nɔnje wɔju dɔe. A to toke baann njaa! Amem.

Apokalisi 20:11

Goe te a, moo tɔku ngende-mbay ke nda, ke dew ke isi te. Nange, ke dara ɔtuje aynje nɔe te ke ddang, are dew tel oode ang ngaa.

Apokalisi 21:8

A nje-bbeelje, nje ke tusuje me-kunn inyaje, nje-ne-ddaje ke maji ang, nje-tɔl dewje, nje-ddaje lo-to-majang, nje-kumaje, nje-poloje kɔr, ke nje-ngemje tɔyn, lo lede to me ndake puru ke supere to me te. Yeenn to yo ke gɔl joo laa.

Apokalisi 3:5

Yeenn a, dewje ke teteje ddɔ a, da kula kubbuje ke nda, ma tuju ride maketuru-tebbe te ndɔ kara ang. Ma pa nɔ bɔmje te, ke nɔ anjije te laa to n̂-toje to dewje lem.