Luku 6:49 - Maketuru le Lubba ke tar kabba

⁴⁹ A dew ke oo tar lem ngaa dda ne kula ang to ddew kara baa ke dew ke ɔsu key laa dɔ nange te baa bbo ungu gɔle dɔ er te ang. Maann ula unda kar key le a, kem naa te neenn njaa key le uwa nange ngaa guru njuku njuku.»

Dɔnɔn kə̂ Siki: Tar kə̂ aw arə təbbə

⁴⁹ A dəw kə̂ oo tar ləm, a dda nɛ̂n kula ang to kâra baa kə dəw kə̂ ɔsu kəy laa dɔ nangə tə̂ baa bbo ungu gɔlɛ̂ dɔ ər tə̂ ang. Maann ula unda kar kəy le a, kəm naan tə̂ nəənn njaa kəy le oso ngaâ guru njuku njuku.»

Luku 6:49 ပူးပေါင်းရင်းမြစ်များ

Matiye 23:3

Yeenn a, maji kare ooje tade, ngaa e-ddaje neje tɔyn ke n̂-dujuse. A kula-ddade a ta e-ndajije ang mba kula-ddade to ddew kara ke ne-tɔju lede ang.

Matiye 24:10

Koo me te le dewje nya a koso. Da kunnje dɔ naa, ngaa da mbeteje naa ke yo ke ne.

Marke 4:17

A dinyaje tar le dare ngirae uwa nange mede te ang. N̂-naynje ddewe te ang. Toke ne-wungu wase ne-singa ddee ingade wɔju dɔ tar le a, n̂-tusuje dinyaje njange baa.

Luku 12:47

Nje-kula ke gere ne ke me ebbeeje ndiki bba gɔl ne ang ngaa dda ne ke me ebbeeje ndiki ang a, a kinga kunda ke bo nya.

Luku 19:14

A dewje ke bbe laa ndikeje ang ngaa dulaje mare dewje goe te kare paje na: N-ndiki ta kare ne neenn nɔn dɔje ang.

Luku 19:27

A nje-baanji lem ke ndikije ta kare mɔn dɔde ang le, e-ddeeje ke de bbo ujaje gɔbbude keem te neenn.»

Luku 6:46

« Mba ddi bba e-bbaremje Ebbemje, Ebbemje! A e-ddaje ne ke maw m-pa marese ang wa?

Luku 6:48

N̂-to ddew kara baa ke dew ke a ta kɔsu key a, wuru buwa are wuru peng peng bba ungu gɔl key le dɔ er te. Toke maann taa lo ngaa unda kar key le a, key le oso ang, mba dɔsu key le ke maje.

Luku 7:1

Goe te ke Jeju pa tarjeenn tɔyn are dewje a, naw Kapernayum.

Kulaje 20:29

M-gere ke maje to gom te a, dewje ke toje toke enjakemnjarje ke maji ang ke a ddeeje kandeje horose te mba ddase maji ang.

Kulaje 26:11

Maw mande key-mbɔn naa te lede ke ndɔ ndɔ maw mula kemde ndoo. Maw muwade ke singa mare n̂-tajije ri Jeju. Bbo wungu ɔm boy a, m-ndole gode ndereng dɔ bbe te ke ddang.»