Luku 20:17 - Maketuru le Lubba ke tar kabba

¹⁷ Jeju ɔru keme aade a pa na: « Tar ke Lubba dda me Maketurute na: Er ke nje-kɔsuje key mbeteje. Er le tel ddee to singa gɔl key ke dungu nangê. Gel tar neenn na ddi wa?

Dɔnɔn kə̂ Siki: Tar kə̂ aw arə təbbə

¹⁷ Jeju ɔru kəmɛ̂ aade ngaâ pa nan: «Tar kə̂ n̂-dda Makəturu tə̂ lə Lubba nəənn gəle nan ddi wa? Tar le nan: ‹Ər kə̂ njê-kɔsuje kəy mbətəje le, təl ddee to singa gɔl kəy kə̂ dungu nangə̂.› »

Luku 20:17 ပူးပေါင်းရင်းမြစ်များ

Matiye 21:42

Goe te a, Jeju dujude na: «E-turaje tar ke Maketurute le Lubba pa neenn ndɔ kara ang bbay wa? Tar le na: ‹Er ke nje-kɔsuje key mbeteje, tel ddee to singa gɔl key ke dungu nangê. To ne ke Ebbe-dewje a dda, ngaa kura nya kemje te.›

Marke 10:23

Jeju ila keme aa ne lo mbɔre te tɔyn ngaa pa are nje-njaje goe te na: « To ngeng nya ke nje-ne-kingaje ta kande me Bbe-kɔn te le Lubba.»

Marke 12:10

E-turaje tar ke Maketuru le Lubba pa neenn ang wa? Maketuru le na: ‹Er ke nje-kɔsuje key mbeteje le, er lel ddee to singa gɔl key ke dungu nangê.

Marke 3:5

Jeju aade tɔyn ke ungu. Rɔe neele ang mba dewje are mede ketere. Yeenn ngaa n̂-pa nare dingaw le na: « E-ndɔju jii.» Dingaw le ndɔju jia ngaa jia le ddee maji.

Luku 19:41

Toke Jeju ddee ngɔsi ke Jurusalam ngaa oo bbe le a nɔ mba bbe le,

Luku 22:37

M-pa marese: Maji kare tar ke n̂-dda me Maketurute le Lubba te na: N̂-turae horo nje-ne-ddaje te ke maji ang le ddee ne ke tɔkɔrɔ dɔm te ngaa ne ke to wɔju dɔm a kunda ngange.»

Luku 22:61

*Ebbe-dewje turu rɔe ngaa aa Piyar. Piyar ole mee dɔ tar te ke *Ebbe-dewje pa are na: Kete bba kare kuran nɔ bbokone, a mayn tar lem gɔl muta.

Luku 24:44

Goe te a n̂-pa narede na: « Ne ke m-pa marese kare te ke m-nayn ke se le a neenn. Maji kare ne ke n̂-dda wɔju dɔm me maketuru *ndu te le Moyije, ke me maketuru te le nje-kilaje mber-tar le Lubba ke me Maketuru*Sɔme te ddee ne ke tɔkɔrɔ.»

Kulaje 4:11

Ne a maketuruje le Lubba pa tar laa na: ‹N̂-to er ke esee nje-kɔsuje key e-mbeteje le aann. Er le tel ddee to singa gɔl key ke dungu nangê.›