Luku 2:4 - Maketuru le Lubba ke tar kabba

⁴ Jejebbe kara in bbe te ke ria na Najarete, nange te ke Galile, aw bbe te ke ria na Betelehem, nange te ke Jude, mba n̂-to ngonn ke key le Dabbiti ddem gele in me nuju te le Dabbiti njaa tɔ,

Dɔnɔn kə̂ Siki: Tar kə̂ aw arə təbbə

⁴ Jojɛpə kara in bbe tə̂ kə̂ ria nan Najarɛtə, nangə tə̂ kə̂ Galile, aw bbe tə̂ kə̂ ria nan Betelehɛm, nangə tə̂ kə̂ Jude. Betelehɛm le to bbe lə Dabbiti. Naw nu mba gəle in mə nuju tə̂ lə Dabbiti.

Luku 2:4 ပူးပေါင်းရင်းမြစ်များ

Matiye 1:20

Toke Jejebbe aw eje tar neenn le mee te bbay a, mare anji le Ebbe-dewje tee ingae me ni te ngaa pa are na: «Jejebbe dew ke gel Dabbiti te, are bbeel ddai ang bbo e-taa Mari to dene lei, mba sem le ngonn ke to mee te le ddee ddew te le Ndil-me-nda.

Matiye 2:23

Naw ngaa n̂-dda bbe ke ria na Najarete. Yeenn bba kare tar ke nje-kilaje mber-tar le Lubba paje le ddee ne to tar ke tɔkɔrɔ. Da bbare to dew ke Najarete.

Luku 2:3

Na na kara tel bbe kuje te njaa, mba kunda ria me maketuru te.

Luku 2:5

mba kare dunda ria maketuru te, de ke nje-mɔrɔ laa Mari ke uwa sem.

Luku 4:16

Jeju aw Najarete bbe te ke n̂-ngeme ke te. Naw key-mbɔn naa te le *Jiipije ke *ndɔ-kuwa-rɔ, toke naw n̂-dda ke *ndɔ-kuwa-rɔje tɔyn. Nin taar ta tura Maketurua,

Rutu 1:19

N̂-njaje joo keme ndereng n̂-teeje Betelehem. Kake dandeje Betelehem a, dewje tɔyn ke me bbe te le aaje lo ke tade ngaa deneje paje na: « Nawomi wase na wa?»

Rutu 2:4

A ta koo a Bowaje in Betelehem tee gode te ngaa pa are nje-kujaje teyn le na: « Nje-kisi ke ndɔ ke ndɔ ee ke se!» N̂-telje ke tar dareje na: «Nje-kisi ke ndɔ ke ndɔ bbar tar ke maji dɔi te!»

Rutu 4:11

Dewje tɔyn ke isije ta ndoko te le, ke dewje ke tɔku paje na: «N-toje to nje-tar naje njaa. Maji kare Nje-kisi ke ndɔ ke ndɔ dda bba are dene ke ande me key te lei to toke le Rasel, ke Leya, dede joo kem ke dundaje gel ngann le Ijarayelje nangê. Maji kare e-ddee to nje-ne-kinga nange te ke Eparata ta are rii bbar me Betelehem te.

Rutu 4:17

Nje-ninn-key-mareje undaje ri ngonn le na: «Duju ngonn dare Nawomi!» N̂-bbareje na Obede. Obede le a to bɔ Ijayije, Ijayi le a to bɔ Dabbitije.