Kulaje 10:43 - Maketuru le Lubba ke tar kabba

⁴³ Nje-kilaje mber-tar le Lubba tɔyn paje tar laa na: «Dew ke oo mee te ke Jeju a, Lubba ɔru tar majang laa dɔe te ke ri Jeju.»

Dɔnɔn kə̂ Siki: Tar kə̂ aw arə təbbə

⁴³ Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 10:43 ပူးပေါင်းရင်းမြစ်များ

Marke 16:16

Dew ke oo mee te, ngaa n̂-ddae batem a, a kinga kaji. Dew ke oo mee te ang a, sariya dɔe te.

Luku 24:47

Da kila mber-tar ke ri Kiriste kare dewje tɔyn turuje ne ddew lede, mba kare tar *majang lede ɔru dɔde te. Mber-tar le a kunn kute Jurusalam.

Kulaje 15:9

Nɔru-kemde dang ke jeje ang. Lubba toko mede mba dooje mede te.

Kulaje 2:38

Piyar pa arede na: «E-turuje mese ngaa ta na na kara inga batem ke ri Jeju Kiriste. Baann bba Lubba a kɔru tar majangje lese dɔse te ngaa na karese Ndil-me-nda.

Kulaje 26:18

Mulai rɔde te kare e-teyn kemde ta ɔrude lo-ndul te e-tee ke de lo-kare te. Kare ɔrude ji Satan te ke ɔn dɔde e-ddee ke de rɔ Lubba te. Yeenn bba Lubba a kɔru tar majang lede dɔde te ngaa da kingaje lo horo dewje te ke ooje mede te sem ngaa majije tɔyn.› »

Kulaje 26:22

A Lubba njaa ngemem ndereng bbokone, are nɔ dewje te tɔyn, nje ke ten, wase nje ke bo kara m-nayn maw m-pa tar-naji laa bbay. Ne ke a ta ddee ke nje-kilaje mber-tar le Lubba, ke Moyije paje tare le njaa maw m-pa. Mila mare ne dɔe te ang.

Kulaje 3:16

Dingaw ke ooeje ngaa e-gereje ke ar neenn, mbal dɔ koo ke joo meje te ke ri Jeju a, ri Jeju le are singa. Koo me te ke Jeju le a dda are rɔe ddee maji a sese tɔyn njaa aw ooje neenn.

Kulaje 3:18

Dɔngɔr kete, Lubba njaa unda tar neenn ta nje-kilaje mber-tar te laa tɔyn na Kiriste laa a koo-ndoo are tar le a ddee ne ke tɔkɔrɔ neenn.

Apokalisi 19:10

M-tee moso kɔ gɔle te ta poloe, a n̂-pa narem na: « E-dda neenn ang! M-to nje-kula mari ddem, nje-kula mare ngakɔinje ke aw ngemje tar-najije le Jeju ddem. Lubba a maji kare e-poloe!» Tar-najije le Jeju toje to tarje ke ddeeje dɔ nje-kilaje mber-tarje te le Lubba bba aw paje.