Apokalisi 1:4 - Maketuru le Lubba ke tar kabba

⁴ Ema Jan, mula ke maketuru neenn mare dewje ke Egilisije te siri ke nange te ke Aji. Maji kare Lubba ke to bbokone neenn, ke n̂-to lew baa, ngaa naw ddee, n̂-dda ke se me-maji, ngaa narese me-wul-lɔm. Maji kare ndilje ke siri ke arje nɔ ngende-mbay te laa ddaje ke se toke baann.

Dɔnɔn kə̂ Siki: Tar kə̂ aw arə təbbə

⁴ Əman Jan, mula kə makəturu nəənn marə dəwje kə̂ Egilisije tə̂ siri kə̂ nangə tə̂ kə̂ Aji. Maji karə Lubba kə̂ to bbokənɛn nəənn, kə̂ to ləw, kə̂ aw ddee dda kə se mə-maji ngaâ narə məse wul lɔm. Maji karə ndilje kə̂ siri kə̂ arje nɔn ngende-mbay tə̂ laa ddaje kə se tokə baann.

Apokalisi 1:4 ပူးပေါင်းရင်းမြစ်များ

Kulaje 19:10

Neenn le to toke baann ndereng bbal joo are dewje ke nange Aji te, Jiipije, ke nje ke to Jiipije ang ooje tar le Ebbe-dewje.

Kulaje 2:9

Jeje ke jin nange te ke Parte, Mede, ke Elamite, dewje ke Mejopotami, dewje ke Jude, ke Kapadose, Pɔn, ke Aji,

Apokalisi 1:1

Maketuru neenn pa tar dɔ neje te ke Lubba are Jeju-Kiriste tɔju Jan, kare n̂-tɔju nje-kulaje laa, kare n̂-gereje ne ke nayn ngɔsi baa ta ddee. Kiriste ula anji laa are nje-kula laa Jan kare tɔje nejeenn le kare n̂-gere.

Apokalisi 1:11

Ndu le pa na: «Ne ke aw oo neeenn, e-dda maketuru te ta ula ne are Egilisije ke siri neenn: Ula ne are Egilisi ke Epeje, Isimirni, Pergam, Tiyatir, Sarde, Piladelpi, ke Lawodise.»

Apokalisi 1:17

Kake mooe a, m-tee moso kɔ gɔle te toke dew ke oy. A, nila jia ke kɔl dɔm te ngaa n̂-pa na: «E-bbeel ang, m-to dɔngɔr ne ddem, dɔbɔyn ne ddem.

Apokalisi 1:20

Ne ke iya rɔe ke wɔju dɔ endeterendeje siri ke oo jim te ke kɔl, ke ne-kunda lambeje siri ke n̂-dda ke ande le gele toke be: Endeterendeje ke siri le tɔju anjije ke Egilisije te ke siri le, a ne-kunda lambeje ke siri le toje to Egilisije ke siri le tɔ.

Apokalisi 1:8

Ebbe-dewje Lubba pa na: «M-to Alpa ke Omega. M-to ne ke n̂-to bbokone, ne ke n̂-to lew, ke ne ke naw n̂-ddee. M-to nje-singa-mɔngu.»

Apokalisi 1:9

Ema ngokɔnse Jan, moo ndoo ke se kara baa. Je ke se tɔyn n-ddee to dewje ke me Bbe-kɔn te le Jeju ngaa jaw juwa jare ngeng ddew te laa. Duwam dulam dɔ dere-ba te ke ria na Patemoso wɔju dɔ tar le Lubba ke mila mbere ddem, wɔju dɔ tar-naji le Jeju ke maw m-pa ddem.

Apokalisi 16:5

Moo ndu anji ke ɔn dɔ maannje pa na: « Ei ke e-to bbokone ddem, e-to lew ddem, e-maji tɔyn ddem, e-to gate gate wɔju dɔ sariyaje ke e-gange neenn.

Apokalisi 2:12

«E-dda maketuru ula ne are anji ke Egilisi te ke Pergam e-pa na: ‹Tar ke dew ke uwa tɔku kiya ke tae joo ngaa ate pa a neenn:

Apokalisi 2:18

E-dda maketuru ula ne are anji ke Egilisi te ke Tiyatir: ‹Tar ke Ngonn le Lubba, ne ke keme aw ndoko toke le puru, ngaa gɔle ndɔnren to ndɔren toke le ande pa a neenn:

Apokalisi 2:8

E-dda maketuru ula ne are anji ke Egilisi te ke Smirni: ‹Tar ke dew ke to dɔngɔr dew ddem, dɔbɔyn dew ddem, ne ke noy, ngaa n̂-tel nisi kem baa n̂-pa a neenn:

Apokalisi 22:16

« Ema Jeju, mula anji lem kare pa tar najije neenn tɔyn arese me Egilisije te. M-to dew ke gel nuju te le Dabbiti. M-to endeterende ke ta lo-kare te ke ndoko nya.»

Apokalisi 22:8

Ema Jan njaa, moo neje neenn ke mbim ddem, ke kem ddem. Ngaa, goe te ke moo neje le ke mbim ddem, ke kem ddem le a, m-tee moso nɔ gɔl anji te ke aw tɔjum neje le ta poloe.

Apokalisi 3:1

«E-dda maketuru ula ne are anji ke Egilisi te ke Sarde e-pa na: ‹Tar ke dew ke ee ke ndilje le Lubba ke siri, ke endeterendeje siri pa a neenn: M-gere kulaje ke aw dda, dewje ooje to isi kem baa, a oy mban.

Apokalisi 3:14

«E-dda maketuru ula ne are anji ke ee Egilisi te ke Lawodise e-pa na: ‹Tar ke Dew ke ria na Amem, ne ke n̂-to nje-tar-naji ke gate gate ddem, ke tɔkɔrɔ ddem, ne ke nee kunn-kutu neje te ke Lubba dda n̂-pa a neenn:

Apokalisi 3:7

«E-dda maketuru ula ne are anji ke Egilisi te ke Piladelpi e-pa na: ‹Tar ke Dew ke maji tɔyn, ne ke n̂-pa tar ngem ang, ne ke nee ke ngaw kele le Dabbiti, ne ke n̂-teyn ta ne a, dew kara ase ta kutu ang, ne ke nutu ta ne a, dew kara ase ta teyn ang n̂-pa na:

Apokalisi 4:5

Teelje le ndi, kɔru neje, ke ndangeje le ndi inje ngende-mbay te ke to dana le aw teeje. Puru ngelje siri ke aw ɔnje ke singa toje nɔ ngende-mbay te le. Puru ngeljeenn le toje to ndilje le Lubba ke siri le ann.

Apokalisi 4:8

Bake neje ke sɔ ke toje kem baa le ee misan misan. Kemdeje to dɔ bakedeje te le ddem, kɔy bakedeje te le ddem. Daw dɔsuje pa til ke kare, n̂-paje na: «Ebbe-dewje Lubba ke Nje-singa-mɔngu maji tɔyn, maji tɔyn, maji tɔyn Ne ke n̂-to lew, n̂-to bbasine neenn ngaa naw n̂-ddee.»

Apokalisi 5:6

Maa lo, ngaa moo mare Ngonn bate ar danna mbɔr ngende-mbay te le, horo neje te sɔ ke toje kem baa le, ke horo tɔkuje te le. Ngonn bate le ar toke bate ke n̂-tɔle to ne-polo. Gaje ee siri, ngaa keme ee siri tɔ. Keme ke siri le toje to ndilje le Lubba ke siri ke Lubba ulade dɔ nange te tɔyn le.

Apokalisi 8:2

Moo anjije ke siri ke arje nɔ Lubba te le. Darede tebbeje siri.