Tito 1:14 - Na Ukud Apudyus

¹⁴ ta foon pù chongronchan chachi ur-ullit na Judio wi iyaawi wi maid pu silfina. Ifakam ako ta foon pù chongronchan chachi lintog wi ining-ingwan na takuy nan-awichanchan katuttuwaan.

Tito 1:14 ပူးပေါင်းရင်းမြစ်များ

Mateo 15:9

Siyan maid silfin na manayawanchan saon, tan siya itudtuchuchan achawiyancha wi ing-ingwan na taku ad ananchay filin-u nu!’”

Marcos 7:7

Siyan maid silfin na manayawanchan saon, tan siya itudtuchuchan achawiyancha wi ing-ingwan na taku ad ananchay filin-u nu!’

Galacia 4:9

Ngim na sanay akammuyun tuttuway Apudyus, tan inunana imfilang chiayù anàna, tayuko uliyon na chachi sikud wi achawiyanyu wi maid pu kattò silficha ta masaraknifanyu? Pionyu wi asin mansanilun chicha?

Colosas 2:22

Tan na katuttuwaana, iningwan Apudyus losan chachi ipalitchà usaron na taku ad sachin pagpag na misilfiyancha. Siyan somsomò yakan takun nangwa ta chachì mapaniyaw.

2 Timoteo 4:4

Man-awichanchan katuttuwaan tan siya patpatkancha afus na ur-ullitcha.

Tito 3:11

Tan maila wi nar-us lummuwam na kinatangkinna, wi uray à siya, aagkammuwonan fasurna.

Hebreo 12:25

Siyan an-annachanyu ta ammayu chongron à Apudyus, achiyu ision nu siyan man-ukud an chiayu. Tan somsom-onyuna, chachi aapputau ta awi, kapu ta achicha pu chongron na imfakan Moses, chinusan Apudyus chicha. À Moses, taku kay ad asnay luta, siyan sin-umamod na machusaantau nu foon pù chongrontaun ifakan Apudyus wi nailangitan.

2 Pedro 2:22

Siyan tumuttuwaan na sachi mifaka wi ananchay, “Na asu, asinna anon na inyutana; ad na naamos wi forò, asin malludludchurud ta piyò.”