Roma 3:10 - Na Ukud Apudyus

¹⁰ Tan sachin imfakan na niyug-is wi ukud Apudyus wi anana, “Maid pu osà takù mamfaru.

Roma 3:10 ပူးပေါင်းရင်းမြစ်များ

Mateo 15:19

Tan na somsomò siyan marpuwan na losani lawing, isun na pumatoy, managchakas ya mangwà amaschi wi linuruku, ya isun akon akaw, churun ya manturtulli ta taku.

Marcos 10:18

Ad inimus Jesus an siya, “Tam-ako anani mamfaruwà? Tan maid uchum à mamfaru nu achi afus à Apudyus.

Roma 11:8

Siyan tummuttuwan sachi niyug-is ta awi wi anana, “Impatangkin Apudyus na somsomòcha, ad ingkana ta sana, isù nakurapcha wi achicha pu makailasin ta ustu, ya isù naturongcha ko wi achicha pu makagngor ta mipangkop an siya.”

Roma 3:11

Ad maid pu osà makaawat ta mamfaruwon Apudyus, tan maid osà maryad makafurfurun an Apudyus.

Roma 3:23

tan maid pu osà takù achi nakafasur, siyan maid makàwa ta mamfaruwon Apudyus.

Roma 3:4

Foon à mafalin! Tan à Apudyus, uray nu nanturtullin losani takud asnay luta, achi pu mafalin wi manturtullì Apudyus. Tan na niyug-is wi ukudna, anana, “Siay Apudyus, mamàila wi tuttuwa ya nalimpiw na losani ifakam. Siyan uray sinumani oyyoon na taku wi man-anap à arwingam, maid pu màchasan tan maid purus arwingam.”

Tito 3:3

Tan uray chitau ta sin-arkawan, lawing na oy-oyyoontau tan maid akammutaù mipangkop an Apudyus. Narukutau ya maid patkontau. Siya ko patpatkantaun pipion na long-ag ya sinumani maragsakantau. Ad na afigkafigkat pasig lawing ya apos na awad an chitau, ad lawingon chitau ta uchumi taku tan lawingontau ko chicha.

1 Pedro 1:16

Tan niyug-is ta ukud Apudyus wi, “Maid pu fasur-u, ad surutonà kuma.”

Nipaakammu 21:8

Ngim safalin mipatawid ta chachi mangiparufus an Satan à mangafak an chicha, wi isun na chachi nan-awichanchan pammaticha, ya chachi maid pammatichan saon, ya chachi nangwà afafain, ya pumappatoy ya chachi makaààwa ta foon à asawacha, ya chachi isun na mansasarumangka, chachi manayaw ta sinan-Apudyus, ya manturtulli. Tan losani aammaschi, mifallucha ta sachi fayfay wi apuy wi kumilakilab wi asupli, wi sachin ananchay pigwan na matayan.”

Nipaakammu 22:15

Ngim achi pu mafalini makarnò na chachi mangwamangwà afafain, ya chachi isun na mansasarumangka, ya makaààwa ta foon à asawacha, ya pumappatoy, ya chachi manayaw ta sinan-Apudyus, ya uray chachi manturtulli ta ug-ugkudcha ya oy-oyyooncha. Siyan maid pu makarnò ta amaschi ta sachi farfaruy ili.