Roma 11:10 - Na Ukud Apudyus

¹⁰ Ya sapay kuma ta isuchà nakurap wi achicha pu makailasin ta katuttuwaan, ya sapay kuma ta mafùungcha ta likatchà ing-ingkana.”

Roma 11:10 ပူးပေါင်းရင်းမြစ်များ

Roma 1:21

Ngim uray akammun na takun mipangkop an Apudyus, achicha pu chayawon à siya, ya achicha pu ko manyaman an siya. Siyan summafalin somsomòchà maid kutùna, ad fummulingot na somsomòcha ingkanà maid pu maawatanchà mipangkop an siya.

Roma 11:8

Siyan tummuttuwan sachi niyug-is ta awi wi anana, “Impatangkin Apudyus na somsomòcha, ad ingkana ta sana, isù nakurapcha wi achicha pu makailasin ta ustu, ya isù naturongcha ko wi achicha pu makagngor ta mipangkop an siya.”

Efeso 4:18

tan foon pù narawakan na somsomòcha. Ya maid fingaycha ta fiyag wi adchon Apudyus, tan maid akammucha ta mipangkop an siya. Tan siya kay ipapilitcha oyyoon na pioncha.

2 Pedro 2:17

Miyalig na chachi akinsusuru ta nadchù wi fufun, ya isucha kò mifalifali wi lifuu wi maid pu silfina tan maid pun uchanna. Siyan insasagkanan Apudyus na machusaancha ta lukar wi isag afulingotan.

2 Pedro 2:4

Machuchusacha, tan sosom-onyu, wi uray chachi aangheles wi fummasur ta isag awi, foon à pinakawan Apudyus chicha ngim imfalluna chichad infierno wi nakachilaancha ta sachi fulingotan à manguullayancha ta sachi Padchay Manguisan Apudyus ta losan.

Juda 1:13

Miyaligcha ta kaog-ogyati challuyun ta fayfay, tan chachi kafafain wi oy-oyyooncha, isù mallarafurab ta kinarawingcha. Ad miyaligcha ko ta fituwon wi naaliwog. Siyan insasagkanan Apudyus na ingkawanchay afulingotan à kachusaanchà ing-ingkana.

Juda 1:6

Somsom-onyu kon chachi uchumi aangheles Apudyus, wi kapu ta foon pù oognanchan fiyangchad langit ngim tinaynanchan ustuy ikawcha, siyan imfarud Apudyus chicha ta mannaynayuni fafalluchan wi fulingotan ingkanà machauman na padchay kaog-ogyat wi makuisan na losan.