Mateo 27:12 - Na Ukud Apudyus

¹² Ngim achin pu Jesus songfatan na ipafasur na chachi pangpangun na papachi ya chachi namangpanguwon na Judio.

Mateo 27:12 ပူးပေါင်းရင်းမြစ်များ

Mateo 26:63

Ngim ingkikinnò à Jesus. Ad asin na Angatuwani Pachi anan an siya, “Ta sangwanan Apudyus wi natataku, mancharò sia ta songfatam na imusò an sia: sian tuttuway Cristu wi Anà Apudyus, wi uullayonni?”

Mateo 27:13

Siyan anan Pilato an siya, “Tam-ako achi songfatan na anchanay ipafasurchan sia?”

Mateo 27:14

Ngim ingkikinnò à Jesus wi maid insongfatna wi uray osa ta impafasurchan siya, ad siyan naschaawan na Fifinnachur.

Lucas 23:9

Siyan nan-im-imus à Herod an Jesus, ngim ingkikinnò à Jesus wi maid insongfatna.

Apostoles 8:32

Na sachi finasana, anana, “Isù pannilù siya wi maparti. Isun akon anà na pannilu wi foon pù kuminga ta mangaanancha ta chutchutna. Amaschin nàwa ta namalikatanchan siya.

1 Pedro 2:23

Ad na sachi koy nangin-insurtuwanchan siya maid pu ko insongsongfatnà lawing. Ad na namarpalikatancha kon siya foon pu kò sinufalitana tan siya kay piniyarnà Apudyus wi nalimpiw wi Kuis.