Marcos 6:21 - Na Ukud Apudyus

²¹ Ngim chummatong na wayan Herodias. Tan na padchay manayawancha ta niyanaan Herod, impasakanan Herod na chakor wi lagsak ad inimfitarnan losani fufurunnay turay na kufilnu ya papangat na susurchachu, ya nangangatuy takud Galilea.

Marcos 6:21 ပူးပေါင်းရင်းမြစ်များ

Lucas 3:1

Na miyasimpuru ya limay tawon na nanturayan Ali Tiberio ad Roma, iningkaw na impaspasmò Apudyus an Juan, wi anà Zacarias, ta iningkawana ta ikaw wi maid pu umili. Na sachi timpu, Poncio Pilato na fifinnachur ad Judea, Herod na nanturay ad Galilea, Felipe wi sunudnan nanturay ad Iturea ya Traconite, ad Lisanias na nanturay ad Abilene. Na angatuwani papachin na Judio ta sachi tawon, cha Anas an Caifas.

Apostoles 25:23

Nafikat ad, ummoycha Agripa an Bernice ta kukùisan, wi ipàpailachan afaruwani silupcha. Nakarnò ako chachi pangpangun na susurchachu ya chachi mamangpanguwon na ili. Ad linumnòcha pun losan, impaayag Festò Pablo.

1 Pedro 4:3

Foon pu kumà turachonyun oy-oyyoon chachi maid pammatina wi isun na iningwayu ta sin-arkawan ta chaanyu pu mamatiyan. Tan na sachi, makaààwaayu ya mansallisallimong ya manlukuruku wi maid linausanyu ta lawingi pipion na long-ag. Ya afafain akon iningwayu wi nanayaw ta sinan-Apudyus.

Nipaakammu 11:10

Ad maragsakan na takuy foon pù mamatid asnay luta ta natayan na chachi chuwa. Siyan mallagragsakcha ya man-asiatodchà atodcha kapu ta amochi lagsakcha ta natayancha, tan na chachi chuwa, profetas Apudyus wi isagcha nu pinalikatan na takud asnay luta.