Marcos 4:38 - Na Ukud Apudyus

³⁸ Ngim namupungngan wi nasuyop à Jesus ta audchiyan na fangka. Siyan finangonchà siya ad anancha, “Misturu, apay achim pu mangwaani annay milutongtau?”

Marcos 4:38 ပူးပေါင်းရင်းမြစ်များ

Mateo 22:16

Siyan ummifauncha ta uchumi pasurutcha wi Fariseo ya uchumi takun Herod ta umoycha ifakan Jesus, “Misturu, akammuni wi maid turtulliyam à taku, ya itudtuchum akon katuttuwaan wi pion Apudyus wi pàwa ta taku, ya foon akò atingurom na sinuy ukuchon na takun sia, tan maid pu laksikom à taku wi uray sinun kinasasaadcha.

Mateo 8:25

Siyan finangon na disipulusnà siya, wi anancha, “Apu, saraknifam chiani! Annay milutongtau!”

Marcos 4:37

Napapannos ad, nammaag fummalì napigsa. Ad nasàchusàchuwan na fangkà chanum ta amochi challuyun ingkanà nganngani milutong.

Marcos 4:39

Ad fummangon à Jesus ad pinakinònan fali ya challuyun, ad asin tummuyong na fayfay.

Lucas 8:24

Siyan finangon na disipulus Jesus à siya, wi anancha, “Apu, Apu, annay milutongtau!” Ad fummangon à Jesus ad pinakinònan fali ya challuyun, ad asin tummuyong na fayfay.

Juan 4:6

wi siya kon awachan na sachi fufun wi inaufan Jacob. Ad à Jesus, tummùchu ta sachi tan naungar ta nanadcharananni, tan akimmamatuon.

Hebreo 2:17

Ad sachin kasapuran Jesus wi mamfalin à takuy isutauy mifilang à susunudna, ta lìnaona kon losani lìnaontauy taku. Siyan na sana, siyan asayaawan wi Angatuwani Pachi wi amfakaontaun Apudyus, ya managpati wi manàchor an chitau tan siyan namayad ta fasurtauy taku ta mapakawantau.

Hebreo 4:15

Tan na sachi Angatuwani Pachitau, maawatana kon losani kinakapsuttau, tan na losani oy-oyyoon Satan à masailuwantauy fumasur, napachasana ko losan, ngim à siya, achi pu fumasfasur.

1 Pedro 5:7

Ya ipiyaryun losani problemayun siya tan siyan mangay-ayyuwan an chiayu.