Marcos 2:25 - Na Ukud Apudyus

²⁵ Ad anan Jesus an chicha, “Achiyu pu nafasan iningwacha David ya fufurunna ta nafitilancha ta awi?

Marcos 2:25 ပူးပေါင်းရင်းမြစ်များ

Mateo 19:4

Ad sinongfatan Jesus chicha anani, “Achiyu pu finasan niyug-is wi ukud Apudyus ta awi, wi ananay na chamu wi nangwaana ta taku, iningwanan larai ya fufai.

Mateo 21:16

Ad ananchan Jesus, “Achim pu chochongron na ipaupauy na anchanay an-ananà?” “Chochongrò met!” anan Jesus. Ad anana ko, “Achiyu pu finasan sachi niyug-is wi ukud Apudyus wi anana, ‘Tinudtuchuwam na anchanay an-ananà wi manaychayaw an siyà ustuustu.’”

Mateo 21:42

Ad anan Jesus akon chicha, “Ad achiyu pu finasan niyug-is wi ukud Apudyus wi mipangkop ta annaya? Tan anana, ‘Na fatuy inchulin na mangkakaob wi ananchay maid silfina, sachin nàwà apatkan wi mipon-ad. À Apudyus na nangwa ta annaya, ad isag kaskaschaaw à maila!’

Mateo 22:31

Ad na mipangkop ako ta umuliyan na taku matakuwan, achiyu pu finasan sachi niyug-is wi ukud Apudyus an chiayu? Anana,

Mateo 4:2

Ad ta unog na opatpuruy padcha ta sachi wi foon pù nangnangan, siyan nafitifitil.

Marcos 12:20

Nu kaspangalikan awad pitù lallaraì mansusunud, ad nangasawan panguru, ad natoyi maid anàcha.

Marcos 12:26

Ad na mipangkop ako ta umuliyan na taku matakuwan, achiyu pu finasan sachi inyug-is Moses wi nifakan siya ta nangil-ana ta kummilafan na imong? Tan anan Apudyus an siya, ‘Saon à Apudyus wi chaychayawoncha Abraham, Isaac ya Jacob.’

Marcos 2:24

Ad anan na Fariseo an Jesus, “Ilam, tamako ta amaschiyoncha wi mipalit ta Lintogtau nu Safachu?”

Marcos 2:26

Tan linumnò ta sachi mangngachani foroy Apudyus ad inaranan tinapoy wi nichatun an Apudyus, wi ipalit na Lintog à anoncha tan afus kuman papachì mangan, ad innancha ta fufurunna. (Na sachi timpu, Abiatar na Angatuwani Pachi.)”

Lucas 10:26

Ad sinongfatan Jesus à siya, “Sinun anan na niyug-is wi Lintogtau? Sinun naawatam ta finasam?”