Lucas 7:41 - Na Ukud Apudyus

⁴¹ Ad nan-alig à Jesus wi anana, “Iningkaw na osay larai wi nan-utangan na chuway larai, wi limampurun inutang na osa, ya limangkasut na inutang chi osa.

Lucas 7:41 ပူးပေါင်းရင်းမြစ်များ

Mateo 18:28

“Ngim lummawa pun chi sanilu, inafotnan osay chokanay sanilu wi nakautang an siyà singkasut yakay. Ad chinòmaana ad illukinay koslon à siya wi anana, ‘Fayacham na losani utangnu!’

Mateo 6:12

Pakawanon chiani ta lawingi iningwani, à isun na mamakawananni ta chachi fumasur an chiani.

Marcos 6:37

Ngim sinongfatana chicha anani, “Chiayun mamaan an chicha.” Ad anancha, “Piom wi ing-ani mangnginà tinapoy à pasar na chuwangkasut à pilak à ipaannin chicha?”

Lucas 11:4

Pakawanon chiani ta fasurni, à isun na mamakawananni ta losani fumasur an chiani. Ya ilisim chiani ta achiani pu maawis wi fumasur.’”

Lucas 12:48

Ngim na takuy maid pu akammuna ta pion na apuna, ad nangwa kò lawing, ait na masaplitana. Tan na takuy achun nipiyar an siya, kapilitani achun songfatana. Ad na takuy ad-achun nipiyar an siya, ad-achu kon songfatana.”

Lucas 13:4

Ya mipangkop ako ta natayan chachi simpuru ya waruy natapilan ta nikur-ufan chi tànangani foroy ad Siloe, siya somsomòyun sachin manuttuwaanyuy sillumawing na fasurcha nu losani uchumi iningkaw ad Jerusalem?

Lucas 7:40

Sachi ad kummingà Jesus wi anana ta sachi Fariseo, “Simon, awad na ifakà an sia.” “Oo, sinun ifakam Apu?” anan chi Fariseo.

Lucas 7:47

Siyan ifakà an sia, na chakor wi ayat na annayay fufai an saon, sachin manuttuwaan wi napakawan na achuy fasurna. Ngim na takuy ait yakan napakawan wi fasurna, ait akon ipailanay ayatnan saon.”

Roma 3:23

tan maid pu osà takù achi nakafasur, siyan maid makàwa ta mamfaruwon Apudyus.

Roma 5:20

Na nangadchan Apudyus ta Lintog, ta umachuachun makafasuran. Ngim uray nu machogchog-an na fumasuran na taku, maam-amod na achakun Apudyus wi mamachang an chicha.