Lucas 20:42 - Na Ukud Apudyus

⁴² Tan à David, inyug-isna ta sachi nibrunay Salmo wi, ‘À Apudyus wi Apu, anana ta Apù: Tumùchua ta apot ta chiwawan-u

Lucas 20:42 ပူးပေါင်းရင်းမြစ်များ

Lucas 20:43

ingkanà ipaafak-un losani afusurnu.’

Lucas 24:44

Sachi ad ananan chicha, “Losani napasamak an saon, imfakafakà ta iningkawà an chiayu, tan masapur wi matungpar losan na niyug-is mipangkop an saon nanipud ta inyug-is Moses ya chachi profetas ya uray na niyug-is ta chachi kankanta wi Salmo.”

Apostoles 1:20

Anan ako Pedro, “Awad akon inyug-is David ta awi ta nibrunay kankanta, wi anana, ‘Ta fumaaw na foroyna wi maid asin ingkaw.’ Ad na osa koy niyug-is, anana, ‘Ta awad na misukat an siya à mamiyang ta fiyangna.’”

1 Corinto 15:25

Tan simsimmò Apudyus wi masapur manturay umunà Cristu ingkanà afakonan losani fumusur an siya.

Hebreo 1:13

Ya maid pu ko imfakan Apudyus ta uray sinuy anghelnà isun na amasna, “Tumùchua ta annay achayawan wi apot ta chiwawan-u ingkanà ipaafak-u na losani afusurnu ta isù papattayam ta ikim chicha.”

Hebreo 3:7

Siyan na oyyoontau, tungparontaun sachi niyug-is wi intudtuchun na Ispiritun Apudyus wi anana, “Na sanay mangngoranyu ta ifakan Apudyus an chiayu,