Lucas 19:26 - Na Ukud Apudyus

²⁶ Siyan anana, ‘Oo, ngim ifakà an chiayu, wi na mapipiyyar wi taku, machogchog-an na maatod an siya. Ngim na takuy foon à mapipiyyar, maaan na uray aiti awad an siya.’

Lucas 19:26 ပူးပေါင်းရင်းမြစ်များ

Mateo 13:12

Tan na takuy mamati ya awad na maawatancha, machog-achog-an na maawatancha. Ngim na takuy foon pù mamati, maaan na uray aiti naawatana.

Mateo 21:43

“Siyan ifakà an chiayu, wi foon à chiayuy Judio na iturayan Apudyus, tan isukatna chiayù safali wi mamtog ta pàwana.

Marcos 4:25

Tan na takuy mangwa ta chongrona, machog-achog-an na maawatana. Ngim na takuy foon pù oyyoonan chingngorna, maaan na uray aiti naawatana.”

Lucas 16:3

Siyan som-osom-on na sachi taku nu sinun ustù oyyoona. Ad anana ta somsomòna, ‘Sinun in-inò wi mafiyag, tan annay iparyawà ta apù, tan nakapsutà wi mantarun ya mafainà wi mampalimus.

Lucas 19:25

‘Oo, Apu,’ anancha, ‘ngim awad met na simpuru an siya!’

Lucas 8:18

“Siyan tantanchaakanyu wi manchongor ta ifakà, tan na takuy mangwa ta chongrona, machog-achog-an na maawatancha. Ngim na takuy foon pù oyyoonan chingngorna, maaan na uray aiti naawatana.”

Apostoles 1:20

Anan ako Pedro, “Awad akon inyug-is David ta awi ta nibrunay kankanta, wi anana, ‘Ta fumaaw na foroyna wi maid asin ingkaw.’ Ad na osa koy niyug-is, anana, ‘Ta awad na misukat an siya à mamiyang ta fiyangna.’”

2 Juan 1:8

Siyan man-annad-ayu ta payan na nan-ungaranyu ta aminonyu aran na kunkunayuy insasagkanan Apudyus ad langit.

Nipaakammu 2:3

Tuttuway naanus-ayu, ya naparpalikatan-ayu kapu ta pammatiyun saon wi achiyu pu inwarang.

Nipaakammu 3:11

“Chanchanin mangulinà, siyan oognanyun pammatiyun saon ta maid pu makapros ta kunkunayu wi mannaynayuni mafiyakanyun Apudyus.