Juan 6:69 - Na Ukud Apudyus

⁶⁹ Siyan sinikurachuni wi sian Anà Apudyus wi impaalinad asnay luta wi manturay.”

Juan 6:69 ပူးပေါင်းရင်းမြစ်များ

Mateo 16:16

Ad summongfat à Simon Pedro, anana, “Sian Cristu wi impustan Apudyus wi umali manturay, wi sian anà na mafifiyyag wi Apudyus.”

Marcos 1:1

Annayan Mamfaruy Chamag mipangkop an Jesu Cristu wi Anà Apudyus.

Marcos 1:24

Ad impoawna anani, “Siay Jesus wi iNazaret, sinun oyyoom an chiani? Ummalià manachail an chiani? Akammù à sia, wi sian sachi naapudyusan wi impustan Apudyus wi umali!”

Marcos 8:29

Ad inimusnan chicha, “Ad chiayu ngay? Sinun mammammoanyu?” Ad summongfat à Pedro, wi anana, “Sian Cristu.”

Lucas 9:20

“Ad chiayu ngay?” anan Jesus. “Sinun mammammoanyu?” Ad summongfat à Pedro, wi anana, “Sian Cristu wi impustan Apudyus wi umali manturay.”

Juan 1:29

Nafikat ad, innilan Juan à Jesus wi marungay, ad anana, “Ilanyu, anchiyan Pannilu wi innadchon Apudyus à mapatoy à fayad na fasur na losani takud asnay luta!

Juan 1:41

Ad inaw-awaynay ummoy nanganap an sunudnay Simon ad imfakanan siya, “Inchasannin Cristu.” (Na mining na sachi ngachan wi Cristu: Na impustan Apudyus wi umalid asnay luta manturay.)

Juan 10:36

À saon, chinutukanà an Ama ad imfaunna ad asnay luta. Siyan payuko anani pursò na kina-Apudyusna ta nangifag-à wi saon na Anàna?

Juan 11:27

“Oo, Apu, tuttuwaò!” anan Marta. “Ya tuttuwaò ako wi sian Cristu wi Anà Apudyus, wi impustanay umalid asnay luta.”

Juan 20:28

Ad anan Tomas, “Apu, patiyò wi sià Apudyus!”

Juan 20:31

Ngim inyug-is-un anchanayà mamatiyanyu wi à Jesus siyan tuttuway Anà Apudyus wi impustanay umali. Ad nu mamatiayu, makafiyag-ayun siyà ing-ingkana.

Apostoles 8:36

Na nallurugkanancha, nichaumcha ta annan chanum, siyan anan na iyEtiopia, “Annat na chanum. Mafalini mafunyakanà ta sana?”

Roma 1:3

Na sachi Chamag, mipangkop ta Anàna wi Aputauy Jesu Cristu. Na kinatatakuna, niyanà ta kanà David,

Efeso 4:13

Na màwa kuma, machogchog-an na pammatitau ya akammutau mipangkop ta Anà Apudyus ta matimpuyug na pammatitau ingkanà miyustuustu wi miyisutau an Jesu Cristu.

1 Juan 4:16

Ad sachin nangakammuwantau ya namiyarantau ta ayat Apudyus an chitau. Nisisikud wi ay-ayaton Apudyus na taku. Siyan nu ay-ayatontaun fufuruntau, makatimpuyugtaun Apudyus.

1 Juan 5:1

Sinumani mamati wi Jesus na Cristu wi impustan Apudyus wi umali, anà Apudyus. Ya sinumani mangay-ayat ta nan-aman na an-ananà, kapilitan wi ay-ayatona kon an-ananà wi inanàna.

1 Juan 5:20

Akammutau ko wi ummalin Anà Apudyus ad asnay luta, ad impakaawatna kon chitaun katuttuwaan tapnu akammuwontaun tuttuway Apudyus. Ad nitimpuyugtau ta tuttuway Apudyus tan nititipuntau ta Anànay Jesu Cristu. Na sachi os-osàani Apudyus, siyan tuttuway Apudyus, ya siya kan narpuwan na makafiyakantaù ing-ingkana.