2 Juan 1:11 - Na Ukud Apudyus

¹¹ Tan nu sinun mammangili ta amaschi, isù fadnganà siya ta lawingi oy-oyyoona.

2 Juan 1:11 ပူးပေါင်းရင်းမြစ်များ

Efeso 5:11

Achiayu ko miyamfuruy ta oy-oyyoon chachi takuy foon pù mamatin Apudyus, wi maid silfin na oy-oyyooncha, tan siya oyyoonyun ustu à marawakan na kinarawing na oy-oyyooncha.

1 Timoteo 5:22

Achim aw-away wi manchutuk à man-ap-apun chiayuy mamati, tan awni ad nu fumasur, mapafasuran-a ko. Siyan an-annacham ta achia fumasur.

Hebreo 5:13

Sinumani manun-ud afus ta tudtuchuy mipangkop an Apudyus wi mallasù maawatan, isun à anà wi kurang à somsomò. Ad na miyalikanchà an-ananà, chaancha pù ilasin na mipangkop ta mamfaru ya lawing.

Juda 1:23

Ya chachi uchum wi chaan pù mamati, tudtuchuwanyu chicha, ta nu mamaticha isù sinaraknifanyù chicha ta apuy. Ya chachi uchum wi kassiyan fumasufasurancha, achakuwanyu kò chicha ngim an-annachanyu ta achiayu miyamfuruy ta lawingi oy-oyyooncha.

Nipaakammu 18:4

Sachi ad, iningkaw akon kinga wi chingngor-u wi narpud langit, wi anana, “Chiayuy takù, lumayaw-ayu ta sanati ili ta achiayu makafasur ta fasurna ya achiayu ko mitapi ta machusaana!