1 Corinto 7:29 - Na Ukud Apudyus

²⁹ Susunud, na mangwanaà ta amasnan chiayu, foon à mafayag na ingkawantau ta annay luta. Siyan chiayuy lallarai wi awad na asawana, ipapatiyu kuma wi mangwa ta pion Apudyus wi isun akon anchanay maid asawana.

1 Corinto 7:29 ပူးပေါင်းရင်းမြစ်များ

Lucas 14:20

Ad na osa ko, anana, ‘Àasawaà, siyan achiyà pu makaali.’

1 Corinto 7:28

Ngim nu mangasawaayu, foon pun à fasurchi, ngim annan liglikatna ad sachin mangwanaà wi achiayu mangasawa, ta achiayu kuma makalikat ta sikud wi likat na man-asawa.

1 Corinto 7:30

Ya uray ako chiayuy mansasàuy ya chiayuy naragsak, ilanyu ko ta foon à amaschin patkanyu. Ya uray ako chiayuy mallaraku wi awad na ùuwana, ilanyu ko ta foon à siyan patkanyu.

1 Corinto 7:31

Siyan uray sinun kinasasaadyu winnu fiyangyu ta annay luta ta sana, fayfay-anyu chachi tan achi pu mafayag ad chummatong na mapagpakancha losan.

1 Pedro 1:24

Isun na niyug-is wi ukudna, wi anana, “Na losani taku, isucha kà charus wi mallasù maryaw ad natoy, ad na kinafarucha ko, isun yakà tabfà na charus, wi nu maryaw na charus, mayakayag akon tabfàna ad maid.

1 Pedro 4:7

Machanchanin mapagpakan na losan siyan masapur imanmanyun oyyoonyu ya man-annad-ayu ta maid manaktak ta malluwaruwanyu.

1 Juan 2:17

Ngim losan chachi nailufungan, mapapog ya uray na losani tartalikakayan na taku. Ngim sinumani mangwamangwa ta pion Apudyus, siyan makafiyag à ing-ingkana.