1 Corinto 10:27 - Na Ukud Apudyus

²⁷ Nu ayakan chiayu ta chachi foon à mamati wi umoy makaan an chicha, ing-ayu nu pionyu, ad losani ipasangucha, anonyu wi maid imuimus nu naichatun winnu foon ta mamfarun mangananyu.

1 Corinto 10:27 ပူးပေါင်းရင်းမြစ်များ

Lucas 15:23

Ya aranyu kon apunorani ayyufun na fakatau ad partiyonyù mallagragsakantau!

Lucas 19:7

Ngim losan chachi nangiila, ngummayngayutngutcha wi anancha, “Apay mampamangilin sanat ta osay managfasur?”

1 Corinto 10:25

Mafalini anonyun sinumani mailaku wi ischa ta market wi maid sarusarudsud, ta achi maallilaw na somsomòyu.

2 Corinto 1:13

Ya losani suratnin chiayu, maid pu nipasakid tan narawag na pinag-ifakani ta maawatanyu. Ta uray nu chaanyu pù isag maawatan na awad an chiani, sapay kuma ta chumtong na mangawatanyù ustuustu ta nu umchas na padchay mangulinan Apu Jesus, mafalin wi ichayawyù chiani wi isun na mangichayawannin chiayu.

2 Corinto 4:2

Siyan foon pù silifannin takù maturtulliyanchay mamati. Tan foon pù usaronnin kinaraingnì maawisancha, ya foon pu kò safaliyonnin sachi pion na ukud Apudyus wi ifaka tan afafain losan na amaschi. Ta sangwanan Apudyus, siya kay iparawagni ifakan katuttuwaan, ad kapilitan wi ilasin akon atakutakun awad an chiani.

2 Corinto 5:11

À chiani, akammuni wi kaog-ogyat na marungayi manguisan Apu Jesu Cristu ta taku, ad sachin mangipapatiyanni mangifagfag-an ta taku ta mamaticha kuma. Ad akammun Apudyus wi sachi afus na awad ta somsomòni wi maid safalì pangkopnin chiayu. Ad sapay kuma ta uray à chiayu, akammuwonyu ko wi sachin afusi awad ta somsomòni.