Кердипэ 46:34 - Библия опэр крымски романи чиб

³⁴ тумэ камэл тэ пхэнэн: «Тэ иргатя тэрнярила тай джи анкха барярэн гайванен, сар керэнас ли амарэ дада». Дэчи тумэн кан мукен тэ бэшэн ки пху Гошэн, вай о египтяня джириндиен катар чёбаня.

Кердипэ 46:34 ပူးပေါင်းရင်းမြစ်များ

Кердипэ 13:7

Машкарэ ко чёбаня ки Аврамески тай ко чёбаня ки Лотески ули чингар. Озаман андэ одолэ пхуятэ бэшэнас о ханаанея тай о периззея.

Кердипэ 13:8

Дэчи о Аврам пхэнляс э Лотески: — На камэл амэнги тай амарэ чёбаненги чингар, вай амэ тухумя.

Кердипэ 26:20

ай о герарскя чёбаня лилэ тэ ирищиен э Исаакески чёбаненца тай пхэнэнас: «Адава амаро пани!» Ов тхэдяс э ханинг Эсек, вай он ирищиенас лэнца.

Кердипэ 30:35

Одова жэ дес ов паляшты алаи э бузнэн э тапенца, алаи э тапенги бузнян — одолэн, опэр савэндэ сас парно, — тай алаи э калэ бакрорэн тай диняс лэн тэ дикхел пал лэндэ о чявэ.

Кердипэ 34:5

Кана о Яков шунляс, кай лэски чяятар катар Дина кердэ маскаралыки, лэски чявэ сас ки ливади э атарэнца. Ов на пхэнэлас адалэстар, бискай он на алэ кхерэ.

Кердипэ 37:12

О пхрала гелэ тэ чярярэн атарэс пэ дадэски ко тхана андэ Шэхем,

Кердипэ 37:2

Аки о пхукаипэ катар Яков тай лэски пуендар. О Иосиф, савэски сас дэшуэфта брэш, чярярэлас о атарэс э бакрэнца екхетханэ пэ пхралэнца — э Билхаки тай э Зилпаки чявэнца, э ромненги э Иосифески дадэски. О Иосиф пхукавэлас пэ дадэски налачё пэ пхралэндар.

Кердипэ 43:32

Лэски тхэдэ авэртэ тханэстэ, э пхралэнги тхэдэ авэртэ, тай э египтяненги, савэ ханас лэса, авэртэ, вай о египтяня нащи ханас э евреенца, адава сас гарами э египтяненги.

Кердипэ 45:10

Ту кан бэшэс андэ область Гошэн тай кан овэс пашэ мандэ: ли ту, ли тэ пуя, ли тэ туруня, тэ барэ тай тикнэ гайваня, тай алаи, со тутэ си.

Кердипэ 45:18

Анэн мандэ тумарэ дадэс тай хорандадэн. Мэ кан дав тумэн э зиядэ пху андэ Египти, тай тумэ кан бэшэн лаки лаче имишэнца».

Кердипэ 46:32

Адала мануша — чёбаня. Он барярэн гайванен тай андэ пумэнца пумарэ атарэс, тай андэ алаи пумаро мангин».

Кердипэ 47:11

Сар пхэнляс о фараони, о Иосиф андяс пэ дадэс тай пэ пхралэн андэ Египти тай диняс лэн зиядэ котор пху андэ пху Раамсес.

Кердипэ 47:3

О фараони пхучляс э пхралэн: — Со тумэ галён тэ керэн? Он пхэнлэ э фараонески: — Тэ иргатя — чёбаня, сар амарэ дада. —

Кердипэ 47:4

Генэ он пхэнлэ: — Амэ алям атхэ тэ бэшас, вай ки пху Ханаан бари бокх тай тэ иргатенги нанай катэ чярярэн о атарэс. Оничин мук тэ иргатен тэ бэшэн андэ Гошэн.

Кердипэ 47:6

Э пху Египти — ангал тутэ; дэ тэ дадэс тай тэ пхралэн о зиядэ котор адалэ пхуяко. Мэ бэшэн андэ Гошэн. Ай ту тэ джянэс, кон андар лэндэ лачес керэс бути, тхэ лэн тэ дикхен пал мэ гайванендэ.