Кердипэ 37:9 - Библия опэр крымски романи чиб

⁹ О Иосиф дикхляс генэ екх суно тай генэ пхукавдяс лэстар пэ пхралэнги: — Шунэн, мэ дикхлём генэ екх суно: кай манги бангило о кхам, о чюнут тай о дэшуекх чергэня.

Кердипэ 37:9 ပူးပေါင်းရင်းမြစ်များ

Кердипэ 20:3

Ай о Дэл ало ко Авимелех рати андэ суно тай пхэнляс лэски: — Ту кан мэрэс андар джювли, савя ту лилян тутэ андэ кхер. Ой ромэстэ.

Кердипэ 37:10

Ов пхукавдяс о суно на екх пэ пхралэнги, ами ли пэ дадэски, тай о дад холясаило лэски: — Со суно адава ту дикхлян? Та со, мэ, ти дай тай тэ пхрала чячес кан авас тай кан бангяс туки джи ки пху?

Кердипэ 37:7

Амэ пхандасас о снопя гив ки ливади, тай бирдэн мо снопи ваздиняспэс тай гортярдяспэс, ай тумаро снопя тэрдило агорял лэстэ тай бангилэ.

Кердипэ 37:8

О пхрала пхэнлэ лэски: — Та со, ту кан овэс патишаи опэр амэндэ? Та со, амэ кан овас тутэ иргатя? Тай он май бут холясаилэ опэр лэстэ андар лэско суно тай андар адава пхукаипэ.

Кердипэ 41:25

О Иосиф пхэнляс э фараонески : — О галярипэ э фараонески до сунэнго екх. О Дэл пхутэрдяс э фараонески, со Ов кидэлпэс тэ керэл.

Кердипэ 41:32

Ай одова, кай о суно сас э фараонески дувар, си, кай о Дэл чячес кан керэл адава тай чяльти кан овэл, со Ов мангел тэ керэл.

Кердипэ 42:6

О Иосиф сас сагбус опэр алаи ки пху. Ов бикнэлас гив э дюняски андэ алаи ко Египти. Кана о пхрала э Иосифески алэ, он бангилэ лэски джи ки пху.

Кердипэ 43:26

Кана о Иосиф ало кхерэ, он динэ лэс, со андэ, тай бангилэ ангал лэстэ джи ки пху.

Кердипэ 43:28

Он пхэнлэ: — То иргати, амаро дад, дага дживиндо тай такатлыс. Тай бангилэ тэлэ, кай гинэн лэс.

Кердипэ 44:14

О Иуда тай лэски пхрала алэ андэ кхер ко Иосиф, саво дага сас отхэ. Он читэпэс ангал лэстэ ки пху.

Кердипэ 44:19

Мо сагбус пхучляс пэ иргатен: «Си тумэндэ дад я пхрал?»

Кердипэ 45:9

Сигярэн тэ джян мэ дадэстэ тай пхэнэн лэски: «Аки со пхэнэл то чяво о Иосиф: "О Дэл кердяс ман сагбус алаи э Египтеско. Чяльти элан мандэ.

Кердипэ 46:29

о Иосиф гортярдяс э бричка тай гело андэ Гошэн, тэ дикхел пэ дадэс э Израилес. Ов тэрдило ангал лэстэ, диняс ангали лэс тай бут вахыти ровэлас.

Кердипэ 47:12

О Иосиф диняс хапэ пэ дадэс, пэ пхралэн тай алаи пи порода, диняс кажне манушэс андэ хорандас.