Кердипэ 30:25 - Библия опэр крымски романи чиб

²⁵ Пал отхэ сар ки Рахиль аракхлило о Иосиф, о Яков пхэнляс э Лаванески: — Мук ман тэ джяв палэ мэ чяче ригендэ.

Кердипэ 30:25 ပူးပေါင်းရင်းမြစ်များ

Кердипэ 18:33

Кана о Сагбус о Яхвэ бытэрды тэ зборизэл э Авраамеса, Ов гело, ай о Авраам ало кхерэ.

Кердипэ 24:54

Ов тай о мануша, кай сас лэса, ханас, пиенас тай ачилэ тэ раткерэн. Кана авэр дес он ущинэ, ов пхэнляс: — Мукен ман, мэ мангав тэ джяв дром мэ сагбустэ.

Кердипэ 24:56

Ай ов пхэнляс: — Ма астарэн ман, кай о Сагбус о Яхвэ кердяс лачипэ мэ дилаки. Мукен ман ко дром, мэ тэ авав мэ сагбустэ.

Кердипэ 26:3

Ачё опэр акалэ пхуятэ вахытески, тай Мэ кан овав туса тай кан алгыштияв тут. Мэ кан керав, сар Мэ халёмас совля тэ дадэски э Авраамески, тай кан дав алаи адала пхуя тэ пуендэ.

Кердипэ 28:13

Опэр латэ сас тэрдо о Сагбус о Яхвэ тай пхэнэлас: — Мэ — о Сагбус о Яхвэ, о Дэл тэ дадэско э Авраамеско тай о Дэл э Исаакеско. Э пху, опэр савятэ ту анкха пашло, Мэ кан дав тут тай тэ пуен.

Кердипэ 28:15

Мэ туса тай кан кутардияв тут, кай ту тэ на джяс, тай кан анав тут андэ адая пху. Мэ на кан ачявав тут тай кан керав алаи, со пхэнлёмас туки.

Кердипэ 31:13

Мэ — о Дэл э Вефилеско, катэ ту чёрдян э маслинаки олия опэр тэрдо бар тай халян совля Манги. Ачяв адая пху тай джя палэ ки пху, катэ ту аракхлилян».

Кердипэ 31:55

Ай эртэс сабахтан о Лаван чюмидиняс э турунен тай э чяян, алгышты лэн тай гело кхерэ.