Кердипэ 3:12 - Библия опэр крымски романи чиб

¹² О Адам пхэнляс: — Э джювли, савя Ту динян ман, тэ овэл ой манца, — адава ой диняс ман о имишы одолэ тэрэкестар, тай мэ халём лэс.

Кердипэ 3:12 ပူးပေါင်းရင်းမြစ်များ

Кердипэ 2:18

О Дэл о Яхвэ пхэнляс: — Нанай лачё манушэски тэ овэл екх. Мэ кан керав лэски ярдымарес, сар лэс.

Кердипэ 2:20

Аякха о мануш диняс нава алаи э гайванен, алаи э чириклен опрунэн тай алаи э вэшэскерэ гайванен. Ай э Адамески на аракхлило тэ уйдиел ярдымари сар ов.

Кердипэ 2:22

Андар прашаво, саво Ов никалдяс андар мануш, о Дэл о Яхвэ кердяс джювля тай андяс ла лэстэ.

Кердипэ 3:11

О Дэл о Яхвэ пхучляс: — Кон пхэнляс туки, кай ту нанго? Ту халян имиша катар тэрэки, савэстар Мэ динём тхэдипэ тэ на хас?

Лука 10:29

Ай ов мангляс тэ сикавэл по чячипэ тай пхучляс э Исусес: — Ай кон манги о комшус?