Кердипэ 29:30 - Библия опэр крымски романи чиб

³⁰ О Яков лиляс тэ бэшэл э Рахиляса тай дэхэлас э Рахиля бут, ниш э Лия. Ов керэлас бути э Лаванески генэ эфта брэш.

Кердипэ 29:30 ပူးပေါင်းရင်းမြစ်များ

Кердипэ 29:17

Ки Лия сас лаче шукара якха, ай ки Рахиль сас шукар ли о муй, ли о тэни.

Кердипэ 29:18

О Яков дэхляс э Рахиля тай пхэнляс э Лаванески: — Мэ кан керав бути туки эфта брэш андар тэ тикнэ чяятэ ки Рахиль.

Кердипэ 29:20

О Яков кердяс иргатлыки эфта брэш, тэ лэл э Рахиля, ай он дикхиндилэ лэски, сар набут дес, вай ов дэхэлас ла.

Кердипэ 29:29

О Лаван диняс э Рахиля пэ иргатинка э Билха.

Кердипэ 29:31

Кана о Сагбус о Яхвэ дикхляс, кай о Яков на дэхэлас э Лия, Ов кердяс, тэ овэн латэ пуя. Ай э Рахиль сас би пуенги.

Кердипэ 31:15

Та со, на дикхиндёл, кай ов гинэл амэн джятен? Ов бикиндяс амэн тай тхэдяс одова, со лиляс амэнги.

Кердипэ 31:41

Асавке сас одола биш брэш, кай мэ бэшавас андэ тэ кхерэстэ. Мэ керавас бути опэр тутэ дэшуштар брэш андар тэ до чяяндэ тай шов брэш андар гайваня, ай ту дэшвар паровэсас одова, со покинэсас манги.

Кердипэ 44:20

Тай амэ пхэнлям: «Амэндэ си пхуро дад тай си лэско тэрно чяво, саво аракхлило лэски опэр пхуримастэ. Лэско пхрал муло, тай ов ачило екх андар чявэ пэ дэякерэндар, тай о дад дэхэл лэс».

Кердипэ 44:27

То иргати, мо дад, пхэнляс амэнги: «Тумэ джянэн, кай мэ ромнятэ аракхлилэ дуй чявэ.

Лука 14:26

— Кон авэл Мандэ тай дэхэл дадэс тай дэя, ромня тай пуен, пхралэн, пхэнен я джи по бэшыпэ бут, ниш Ман, ов нащи овэл Мо сиклярдо.