Кердипэ 29:25 - Библия опэр крымски романи чиб

²⁵ Кана уло сабаги, о Яков галило, кай адая э Лия! Ов пхэнляс э Лаванески: — Со ту кердян манца? Мэ вай кердём иргатлыки туки андар Рахиль. Соски ту хохавдян ман?

Кердипэ 29:25 ပူးပေါင်းရင်းမြစ်များ

Кердипэ 12:18

Дэчи о фараони диняс икос э Аврамес тай пхучляс: — Со кердян манца? Соски ту на пхэнлян манги, кай ой — ти ромни?

Кердипэ 20:9

Дэчи о Авимелех диняс икос э Авраамес тай пхэнляс: — Со ту амэнца кердян? Со джюнгалипэ мэ туки кердём, кай ту тхэдян тэ керас бэзя ман тай алаи мо патишайлыки? Ту кердян манца аякха, сар на камэл тэ керэс.

Кердипэ 26:10

Дэчи о Авимелех пхэнляс: — Со ту кердян амэнца? Екх андар мурша кан пашлёлас тэ ромняса, тай ту кан керэсас опэр амэндэ дош.

Кердипэ 29:16

Ай ко Лаван сас дуй чяя: э бари бучёлас Лия, ай э тикни — Рахиль.

Кердипэ 29:24

(О Лаван диняс пэ чяя иргатинка э Зилпа.)

Кердипэ 29:26

О Лаван пхэнляс: — Амэндэ аякха на керэн, тэ дэс ромэстэ э тикнэ чяя ангал бари.

Кердипэ 31:26

О Лаван пхэнляс э Яковески: — Со ту кердян? Ту хохавдян ман тай гелдян мэ чяян, сар пханлимарен ко марипэ.

Кердипэ 31:7

ай тумаро дад хохавэлас ман, дэшвар паровэлас мо покинипэ. Ай о Дэл на диняс ман лэстэ андэ хурлуки.

Руфь 4:11

Дэчи о барэ мануша тай алаи, кон сас ки бар, пхэнлэ: — Амэ дикхлям. Мэ керэл о Сагбус о Яхвэ дэя э джювля, сави авэл андэ тэ кхерэстэ, сар э Рахиль тай э Лия, савэ екхетханэ ваздинэ о кхер э Израилеско. Лэ барвалипэ андэ Ефрафа, тай мэ овэл то нами андэ Вифлееми.