Кердипэ 28:13 - Библия опэр крымски романи чиб

¹³ Опэр латэ сас тэрдо о Сагбус о Яхвэ тай пхэнэлас: — Мэ — о Сагбус о Яхвэ, о Дэл тэ дадэско э Авраамеско тай о Дэл э Исаакеско. Э пху, опэр савятэ ту анкха пашло, Мэ кан дав тут тай тэ пуен.

Кердипэ 28:13 ပူးပေါင်းရင်းမြစ်များ

Кердипэ 12:7

О Сагбус о Яхвэ сикавдяспэс э Аврамески тай пхэнляс: — Мэ кан дав адая пху тэ пуен. О Аврам кердяс отхэ алтари э Сагбуски э Яхвэски, Саво сикавдяспэс лэски.

Кердипэ 13:15

Алаи э пху, сави ту дикхес, Мэ кан дав тут тай тэ пуен алаи э вахытески.

Кердипэ 13:17

Джя, пхер опэр адалэ пхуятэ дулгимаса тай буглимаса, вай Мэ кан дав ла тутэ.

Кердипэ 15:1

Пал атхэ о Сагбус о Яхвэ сикавдяспэс э Аврамески тай пхэнляс: — Ма траша, Аврам. Мэ — то кутардима. То башладима кан овэл бут баро.

Кердипэ 15:18

Андэ одова дес о Сагбус о Яхвэ кердяс завети э Аврамеса тай пхэнляс: — Мэ дав тэ пуен адая пху, катар египтески диряв джи ки бари диряв Евфрат:

Кердипэ 26:24

Андэ одоя рат о Сагбус о Яхвэ сикавдяспэс лэски тай пхэнляс: — Мэ о Дэл о Яхвэ тэ дадэско э Авраамеско. Ма траша, Мэ туса. Мэ кан алгыштияв тут тай кан бутярав тэ пуен булуб Мэ иргатески э Авраамески.

Кердипэ 26:3

Ачё опэр акалэ пхуятэ вахытески, тай Мэ кан овав туса тай кан алгыштияв тут. Мэ кан керав, сар Мэ халёмас совля тэ дадэски э Авраамески, тай кан дав алаи адала пхуя тэ пуендэ.

Кердипэ 28:4

Мэ дэл Ов тут тай тэ пуен о алгышы э Авраамеско, тутэ тэ овэл э пху, опэр савятэ ту анкха бэшэс, сар джяти, э пху, сави о Дэл диняс э Авраамес.

Кердипэ 31:13

Мэ — о Дэл э Вефилеско, катэ ту чёрдян э маслинаки олия опэр тэрдо бар тай халян совля Манги. Ачяв адая пху тай джя палэ ки пху, катэ ту аракхлилян».

Кердипэ 31:42

Тэ на овэлас би манца о Дэл мэ дадэско, о Дэл э Авраамеско, Одова, Кастар трашалас о Исаак, ту бичялдянас би ман чюче вастэнца. Ай о Дэл дикхляс мо чёрипэ тай ми пхари бути тай кердяс цындос амэнги окоя рат.

Кердипэ 31:5

Ов пхэнляс лэнги: — Мэ дикхав, кай тумаро дад манца на аякха, сар буруни. Ай о Дэл мэ дадэско манца.

Кердипэ 31:53

О Дэл э Авраамеско тай о Дэл э Нахореско, о Дэл лэнги дадэско, мэ керэл цындос машкарэ амэндэ. О Яков халяс совля Одолэнги, Савэстар трашалас лэско дад о Исаак.

Кердипэ 32:10

Мэ на керав одоя мила тай о лачипэ, савэ кердян Ту Тэ иргатески. Мандэ ништо на сас, булуб катар ровли, кана мэ накхлём о Иордани, ай акана мэ авав палэ до табуренца .

Кердипэ 32:9

О Яков мангляс э Дэвлэс: — О Дэл мэ дадэско э Авраамеско, о Дэл мэ дадэско э Исаакеско, о Сагбус о Яхвэ, кай пхэнляс манги: «Джя ки пху тинрятэ, тэ тухумендэ, тай Мэ кан дав тут лачипэ»!

Кердипэ 35:1

О Дэл пхэнляс э Яковески: — Ваздэтут андэ Вефиль, ачё отхэ тай кер отхэ алтари э Дэвлэски, Саво сикавдяспэс туки, кана ту нашлян тэ пхралэстар катар Исав.

Кердипэ 35:12

Э пху, сави Мэ динём э Авраамес тай э Исаакес, Мэ кан дав тутэ тай ла тэ пуендэ.

Кердипэ 35:15

О Яков тхэдяс о тхан, катэ о Дэл зборизэлас лэса, Вефиль.

Кердипэ 35:17

Ой бут сидэла дукх, кана аракхлёлас о пуёс. Э джювли, сави керэлас ярдыми тэ аракхлёл, пхэнляс лаки: — Ма траша, тутэ кан овэл генэ екх чяво.

Кердипэ 46:3

Ов пхэнляс: — Мэ — о Дэл, о Дэл тэ дадэско. Ма траша тэ джяс андэ Египти. Мэ кан керав тутар отхэ баро дюняс.

Кердипэ 48:3

О Яков пхэнляс э Иосифески: — Андэ Луз, ки пху Ханаан, манги сикавдяспэс о Дэл о Баро-Зорало тай алгышты ман.

Delja 7:5

Ов на диняс лэс пху джи тикноро котор. Ай о Дэл диняс збора, кай Ов кан дэл адая пху лэстэ тай лэски пуендэ, ай одова вахыти ко Авраам на сас пуёс.