Кердипэ 27:27 - Библия опэр крымски романи чиб

²⁷ Ов пашыло тай чюмидиняс лэс, тай пхэнляс: — Вай, мо чяво кхандэл, сар кхандэл э ливади, сави алгышты о Сагбус о Яхвэ.

Кердипэ 27:27 ပူးပေါင်းရင်းမြစ်များ

Кердипэ 26:12

О Исаак читяс тэ барел гив опэр ливади одолэ пхуятэ тай одова жэ брэш кидиняс шэлвар бут. О Сагбус о Яхвэ алгышты лэс.

Кердипэ 27:15

Дэчи э Рэвэка лиляс о лаче савутя пэ барэ чявэски э Исавески, савэ сас латэ андэ кхер, тай урявдяс опэр тикно, опэр Яков,

Кердипэ 27:26

Дэчи лэско дад о Исаак пхэнляс лэски: — Пашо, мо чяво, тай чюмидэ ман.

Кердипэ 27:39

Лэско дад о Исаак пхэнляс лэски: — Кан овэл то бэшыпэ дур катар имиша ки пхуяки, дур катар пани ки булутенго опрал.

Кердипэ 48:10

О Израиль катар пхурипэ на лачес дикхелас. О Иосиф андяс пэ чявэн пашэ пэ дадэстэ, тай одова чюмидиняс тай диняс ангали лэн.

Кердипэ 48:15

Дэчи ов алгышты э Иосифес тай пхэнляс: — О Дэл, ангал Савэстэ пхерэнас о дада минрэ о Авраам тай о Исаак, о Дэл, Саво сас мо чёбани алаи мо бэшыпэ джи адалэ десески,